واتحدوا اهلهم عشان يتزوجوا المهم اتجوزا بعد عذاااب وتعب وكان أحسن فرح زي ما بيقولوا
مرت السنييين جابت الأم الولد الأول وبعده الثاني وبعده الثالث حتى الخامس ولما حملت سادس مره قالها زوجها :أنا أبي بنت ولو جبتي ولد اطلقج
الام إنصدمت من كلمة اطلقج وقالت : اسوي المستحيل بس لا يطلقني يبي بنت أجيبله بنت بس شلون ؟! ما لقت طريقه إلا رفيجتها ام نوف قالت لها القصة وقالت لها ساعديني المهم فكرت ام نوف وقالت ولا يهمج خلي بس موعد الولاده يجي وبعدها يصير خير ام نوف عندها معارف في إحدى المستشفيات في قسم الولاده المهم إتفقت مع الدكتور أحمد علاء خواجه على أنه إذا الأم جابت ولد يبدل الولد مع أي بنت مولوده في المستشفى وقالت الأم بدفعلك إللي تبيية بس سوي هالطلب المهم غرته الفلوس على قولة المثل الفلوس تعمي النفوس وافق الدكتور أحمد على طلبهم يوم جاا وقت العمليه ولدت الأم بس شنو جابت جابت ولد ولد مثل القمر مزيووون وحلووو بس للأسف بتستغنى عنه << ما عندها قلب ما عندها رحمة جا الدكتور عند الام عشان يفحص حالتها قالتله يالله روح بدل الولد قبل لا يجي زوجي ويطلقني شوفوا شلون تستغنى عن ولدها بكل سهوله وبرود رد عليها الدكتور لا إسمحولي ما أقدر أشارك في هالجريمه ردت الأم قالت شلون بعد ما خذييييت الفلوس ترفض المهم الأم وصديقتها مو فاضين للدكتور صديقتها ام نوف) تفكر بعدين قالت
شرايج نذبحه ونقول لزوجج أنج جبتي بنت وماتت قالت لا شلون اقدر أذبح قطعه من لحمي وروحي
قالت أم نوف خلي زوجج يطلقج خافت الأم من هالكلمه قالت صديقتها (أم نوف) شرايج ندفنه في صحراء ونخليه يموت بروحه و بيكون مات بروحة ... المهم الأم بعد ما إقتنعت راحت اهي وأم نوف وسووا فعلتهم بس قبل ما تدفنه رضعته من حليبها ودفنته ردت الأم بيت زوجها قالتله جبت بنت بس ماتت
قال جذابة لازم أروح أتاكد بنفسي رفيجتها أم نوف راحت المستشفى وإتفقت مع بعض الدكاتره والممرضين على أنه إذا جا الزوج يقولون له أن زوجته جابت بنت بس ماتت وغرتهم بالفلوس
راح الزوج و تأكد وطلع أنه فعلا زوجته جابت بنت بس ماتت
المهم تأكد أنه البنت فعلا ماتت
والأم قلبها متقطع << اصلا لو فييها خيير جان ما سوت هالعملة
بعد مرور شهر
هنا تبدأ القصة
بعد شهر او أكثر بشوي راحت الأم عند رفيجتها وقالت لها ابي اشوف ولدي بروح عند ولدي قالت أم نوف يا خبلة ولدج مات صار له أكثر من شهر إنسيه يا مجنونه قالت الأم قالت أنا ماشية عنده وإذا تبيني انا هناك
المهم راحت الأم حتى وصلت المنطقه إللي دفنت فيها ولدها بدأت الام تبحث عن المكان إللي دفنته فيه لأنها صحراء وكبيرة وصارلها أكثر من شهر دافنتة
جت رفيجتها وقالت لها :
الصراحه ما قدرت اخليج برووحج
قالت الام ما لقيته
فأكملت الام والصديقه يبحثون على الولد فجأه
فجأه
بدون إنذار
فجأه
سمعت الام ورفيجتها
صوت طفل يبجي
صرخت أم نوف وقالت اعوذ بالله هذا صوت جني المكان ما فيه أحد قالت الأم لا هذا صوت ولدي قالت ام نوف يا خبلة ولدج مات تعرفين شنو يعني مات يعني خلاص إنسي انج تسمعين صوته المهم الأم حنجت وقالت أنا قلبي يقولي أن هذا صوت ولدي ولازم اروح أشوفه راحت الام ورفيجتها لين وصلو مكان الصوت وشنو تتوقعوا شافوا هناك
موضوع: رععععععب 
الخميس ديسمبر 24, 2009 10:51 pm
حليب نيدو
