شكراً جدّاً عالترحيب

يونِسْ يا أغلى حبيبْ
شكراً جدّاً عالترحيبْ
كِلْماتَكْ بترِدْ الروحْ
بتخلّي المجروحْ يْطيبْ ...
ميمونة اليونسْ بالقلبْ
عَمْتكتبْ أشعارْ الحُبْ
صونا وحميها يا ربْ
نورا مشعشعْ ما بيغيبْ ...
خلّونا نْغرِّدْ ألحانْ
ونعانِقْ نَبضْ الإنسانْ
يَلّي بْيقوا بالإيمانْ
آمالو ما راحْ تخيبْ ...
بُكرى عَمْيرسمْ أحلامْ
جايي عَجْناحْ الأيامْ
يَلّي بيمشي لَ قدامْ
أهدافو كلا بيصيبْ ...
يا جبلْ العربْ بحييكْ
لهفة حرفي بْتناديكْ
باقة أشعاري بهديكْ
يا جنّة أزهارْ وطيبْ ...
يونِسْ يا أغلى حبيبْ
شكراً جدّاً عالترحيبْ
كِلْماتَكْ بترِدْ الروحْ
بتخلّي المجروحْ يْطيبْ ...

م. عبد المسيح دعيج
4 / 2 / 2010

أهلاً يك أخ عزيز وشاعر ملهم كبير
تستحق كل ترحيب أخي عبد المسيح
مودتي واحترامي