فكرة شعرية

يونس محمود يوسف كتب:

صبيه مارقة برقة أمامي === عّم بتهدل متل هدل الحمامي
وقبلها 15 بنت فاتو ===== لقلبي واسمعو مني كلامي
الشاعر لو يفجر ذكرياتو =====عَ صخر الصم بصفي خزامي
وإذا بيظهر عليكم طيباتو ==== وبقولو يعدد حروف وأسامي
بخلي الزاهد العاشق صلاتو === يجي يتسَّمع وينسى الملامي
لأنو الشاعر بيزرع نباتو =====بأرض خصبه ترابا كتير حامي
وإذا بيشلح على العالم عباتو ====بيخلي الفرح يدخل قلب دامي
وإذا وجَّه على حوا رماتو ======حوا بتعشق بقلبو الإقامي
وما بيهمو إن كترت تضحياتو =====لأنو حامل الكلمي كرامي
ولأن الشعر من أجمل صفاتو =====بكل محل يزرع إبتسامي
بيضَّل يقول يا أفكار هاتو ======تنزرع ورد للأجيال نامي
وتحتى الشعر تتجمل حلاتو =====بعذوبي ناعمة ورقة وشهامي
بيزيح الهَّم وبيقبر رفاتو ========وبشعشع بالقلوب بكل رقة
هادا مقولي مسك الختامي ==========أبو هاشم

]/center]

الله الله

جمال على جمال و تميز اكثر و اكثر

الف شكر للجميع راائع و الله