فلو بنات الصبا
فلو بنات الصبا والشيب فينا بان = وبالأمس كنا سفن بالحب مشحوني
واليوم شاب الشعر وتكاتروا الألوان = وهبت عً غفلة علينا رياح مجنوني
هرت أوراق الصبا واصفرت الأغصان = وصارت ليالي العمر للموت مرهوني
طلعت أمشي وطلّلع عً هالشبان= وارجع بفكري أنا لأيام عبروني
لقيت العمر ومهما طال يا أخوان = لحظة بعمر الزمن يا تقبروا عيوني
شفت الصبايا يجو عالنبع عالبستان = يعبوا جرار الهنا ويقطفوا موني
قربت منهم أنا وبخبرة الفهمان = اجدل كلامي غزل تا حب يعطوني
التفت عليّ بنت من بينهم "سوذان"= بسمة عً وجها بدت وعيون لا قوني
حسيت إني رجعت لا سالف الأزمان = أيام عيسى النبي والعم مقدوني
غنيت الهم غزل وتغازلوا العينان = وكلمات حب وفرح بالشكر معجوني
شياطين شعري صحت وتفجرت ألحان = وسالت على شفافي درر بالمكر مدهوني
وارجعت اغزل شعر للفاتنة "سوذان" = قالت ياشاعر انا منك كتير ممنوني
تعمقت معها وقلت يا زهرة البلدان = تعالي تنمشي سوى على صغور حبوني
لتفتت علّي بغنج وبطرفها الفتان = سمعت بقلبي الهني دقات طاحوني
قالت يا عمو انت يا مدوخ النسوان = خليك مع جيلك عصب للشر صابوني
ما فيك تحيا معي يا عمنا عمران = تركني تروح ورفاقي شوي سبقوني
أبو هاشم