- أملي القضماني كتب:
متل زهر البيلسان المفتح على بوابي،
متل الندى النعسان الغافي على كتابي،
متل القمر سهران ينطر معي حبابي..
لك آآآآآآآه يا قلب حاج تعن وتنتظر، ريحة الأهل ما عادت ميلت صوبي..
وحدها الغيمات ناطرة تيرجع المطر يمسح الدمعة الكارجة ع شط القلب يلملم عن خد العمر حقلة قمح نبتت على دروبي..
وتحكي الدني لكل السنة حكايات عن حب مثل الطيف يمر فوق خيام منصوبي..
والليل عتم ،
والريح مرسال تغني موال وما يطلع معي الحكي تإبعث معو كمشة عطر ونغمة ناي وخفقة شوق،
بلكي بطريقو بمر عجنوبي..
ما بعرف شو صار، يمكن أنا بحلْم،
يمكن أما بعلْم، يمكن ما في حدا يمرق على محبوبي..
يا ريت هالحلم يبقى حلم
ونجم شارد على حدود الروح بلكي هالريح تجي وتجيب شي علم من ريحة حبابي..
===================================================================
الأخت القديرة والشاعرة الشفافة السيدة أملي القضماني:
نسّم علينا يا هوى جنوبي ...............وجبلي عبق من عطر محبوبي
طالت ليالي الشوق والآهات..............والشمس بعدن مالت غروبي
ورغم البعد ما نكسوا الرايات.............وخطواتهن بعدا على دروبي
قلن قريب بترجع البسمات............... ولاجلن ترى هالروح مسكوبي
=======================================
شاعرتنا الغالية نعيش معكم بكل تفاصيل المعاناة التي بإذن الله تعالى سوف يولد من رحمها أمل بفرج قريب
فالطيور تاقت الى الغناء والتحليق عاليا عاليا............
تقبلي مني كلماتي سيدتي وإن كانت عاجزة عن التعبير ....................