جبـل العرب

نلتقي لنرتقي ،، !!
 
الرئيسيةالرئيسية  البوابةالبوابة  التسجيلالتسجيل  دخول  

شاطر | 
 

 رسالة من طفلة لرئيس الحكومه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د نظام محسن
المراقب العام
avatar

جنسيَ » : ذكر
مشآرگاتيَ » : 6187
عمريَ » : 47
مكآنيَ » : السعودية
نقآطيَ » : 53576
تآريخ التسجيــل : 17/04/2009

مُساهمةموضوع: رسالة من طفلة لرئيس الحكومه   الإثنين نوفمبر 01, 2010 3:21 am


رسالة من طفلة سورية الى رئيس الحكومة



عمو رئيس الحكومة الحباب




أنا اسمي سلمى

بيضلو البابا والماما يتخانقوا فوق راسي

وبيضلو زعلانين ومكشرين

وعم يتخانقوا على المصاري

وأنا بخاف كتير لما بيعيط البابا

وبزعل وببكي كتير لما بتبكي الماما



ياعمو ليش ما بتزيدولهون المصاري شوي

لحتى يشترولنا بندورة وبيض وتطعمينا الماما جظمظ -بندوره وبيض

أنا بحب الجظمظ كتير مع المقالي

وبحب اللحمة بس ما بيشترولي ياها أهلي إلا قليل





مبارح ياعمو أخي محمد كان مرضان كتير

والبابا اخدو على المستشفى بنص الليل

والماما كانت عم تبكي

ولما رجع كمان تخانق البابا والماما على المصاري وعيط البابا كتير وقلها من وين بدي جيب حق الدوا بنص الليل



وأخي سخن كتير وأنا سهرت جنبه

وحطيت مي باردة على راسو

والبابا كان عم يستنى يصير الصبح

ومن بكير دق على باب الجيران

واخد منهون مصاري ليجب الدوا





أنا يا عمو زعلانة كتير منك

لانو سألت البابا من وين بتجيب المصاري

قلي من الشغل

قلتلوا ووين بتشتغل

قلي عند الحكومة

وأنا شفت صورتك مبارح بالتلفزيون معك كتير عالم عم يزقفولك

وأنت وعم تقص شريط

وسألت الماما عنك وقالتلي هادا رئيس الحكومة

يعني أنت رئيس البابا بالشغل

قلت لأبعتلك هل الرسالة بلكي بتعطيه للبابا مصاري أكتر لأنو البابا بيستاهل وبضل يقول للماما انو تعبان من الشغل وبيشتغل بالليل وبشوفوا عم يقرا ويكتب على وراق كبيرة اسمها ددابير - اضابير

بيجيب ددابير وبياخد ددابير , وبيتأخر كل يوم على الغدا يعني بيشتغل كتير ليش ما عم تعطوه مصاري

حرام يا عمو البابا حرام

أنا بحبو كتير وبس أكبر بدي اشتغل وساعدو وأصرف على أخواتي

بس ما رح اشتغل عندك بالحكومة


بدي صير شرطية مرور متل جارنا أبو فيصل

كل يوم بياكلوا لحمة

أو بدي صير مسؤولة متل أبوها لربا عنا بالمدرسة

ويصير عندي سيارة وشوفير


أنا كل يوم يا عمو برجع مشي والبيت بعيد

وبخاف كتير وأنا عم قطع الشارع كلو سيارات

مرة وأنا وصغيرة لما سألتو للبابا ليش ما عنا سيارة , ضحك كتير وبعدين بكي وبكيت معو وما فهمت شي

وبعدين لما كبرت عرفت أنو السيارة بدها مصاري كتير والبابا مامعو



وأنا هلأ عم جمع مصاري بدون ما قول للبابا بدي اشتريلوا سيارة

صار معي 13 ليرة

ورح ضل صمد ليصير معي مصاري كتير

يعني شي 50 ليرة

واشتري لبابا سيارة ليوصلنا على المدرسة

ويجيب الماما من الشغل الضهر لأنو الماما كمان عم تتأخر كتير




لقلك مبارح نطرتها أكتر من ساعتين أدام الباب بهل البرد , وكل ما بسألها ليش بتتأخري بتقلي اسألي يلي عمل العطلة يومين

بس ما يكون أنت يا عمو اللي عملت هيك

حرام عليك الماما عم ينشغل بالها علينا كتير

وما عم تلحق تعملنا غدا

وأنا عم ابرد كتير بالشتي مع أنو الماما عم تلبنسي كنزة أخي محمد لما كان صغير تحت الصدرية

بس ما عندي جاكيت والبابا صار بيوعدني من تلات عياد يشتريلي جاكيت

وما اشترالي بآخر عيد شي .. وأنا قلت لحالي حرام وما ذكرتو

يلا بس أكبر بدي اشتري لبس كتير

واشتري لفحة وطاقية صوف كمان وكندرا زهرية وكولون أبيض جديد

لصير أميرة وأتجوز أمير

وبدي اشتري تخت زيادة لانو اخواتي عم يحشروني كتير بالتخت يلي عم نام فيه

وبدي اشتري لعبة فلة من عند سبيس تون

وبدي زفت الحارة وركب حنفية فيها مي للشرب

وبيت ما بتنقطع الكهربا فيه

وبدي اشتري بيضة يلي فيها لعبة عرفتها هي يلي بتطلع بالتلفزيون

وبدي اشتري للبابا موبايل وللماما سوارة

يالله أنا بحب الماما كتير , الماما كتير زعلانة

مبارح بالليل قعدت جنبنا ونحنا نايمين بالتخت تطلع فينا وتبكي شفت دموعها من تحت اللحاف

كنت عاملة حالي نايمة.. غطيت راسي وبكيت

يمكن سمعتني , شالتني من التخت على الارض

الماما بتحبني كتير

والبابا بيحبني كمان أنا أصغر وحدة بين أخواتي


مبارح اشترالي سندويشة شاورما

طعميتوا منها لقمة

بس قلي لا تقولي لاخواتك

بس أنا اشتهيتلون ياها كتير

وهي شغلة كمان بدي اعملها بس اكبر

بدي اشتري لاخواتي شاورما من عند عمو البياع



شوف يا عمو مبارح وأنا عم رتب البيت

شلت صباط البابا وشفتو مبخوش

ويمكن صرلو زمان عم يلبسه هيك

وإذا بدي قلو يشتري واحد جديد

بدو يقلي ما معي مصاري


والبابا موظف بالجامعة

وعيب يروح على الجامعة هيك

فبعتلك هل الرسالة ياعمو بلكي بتديني شوية مصاري , بين ما اكبر لاشتري للبابا صباط



يا عمو أنا بحبك كتير ومبين عليك كتير طيوب

وما بترضى البابا يروح عل الشغل هيك
ايه عمو


تحياتي اليك عمو


***************************************
اذا انتسبـت إلــى قــوم فـلـي شــرف == إني مـن القـوم فـي أطـراف حـوران
أنـسـابـهــم يـعـربــيــات مـسـلـسـلــة == من نسل عدنان كما من نسل قحطان


بالعلم ترتقي الامم"" وبالاخلاق تسود
الرجوع الى أعلى الصفحة اذهب الى الأسفل
مروان الحلبي
الادارة العامة
الادارة العامة


جنسيَ » : ذكر
مشآرگاتيَ » : 5877
نقآطيَ » : 53712
تآريخ التسجيــل : 28/08/2009

مُساهمةموضوع: رد: رسالة من طفلة لرئيس الحكومه   الإثنين نوفمبر 01, 2010 3:45 am

يا اللــــــــــــــــــــــــــــــــــــه ياحكيم ...........سامحك الله بجد نزلوا دموعي لاني قريت رسالة بليغة جدا جدا

وتحاكي واقع مرير يعاني منه الكثير الكثير.................

لقد ناديت لو أسمعت حياً............... ولكن لاحياة لمن تنادي

ألف ألف شكر حكيم

***************************************
يا طير يا طاير على طراف الدني ... لو فيك تحكي للحبايب شو بني
الرجوع الى أعلى الصفحة اذهب الى الأسفل
فارس بلا جواد
الادارة العامة
الادارة العامة
avatar

جنسيَ » : ذكر
مشآرگاتيَ » : 9823
عمريَ » : 48
نقآطيَ » : 64885
تآريخ التسجيــل : 02/06/2008

مُساهمةموضوع: رد: رسالة من طفلة لرئيس الحكومه   الإثنين نوفمبر 01, 2010 3:51 am

اعتقد ان الرساله موجهه دون حقيقه لما جاء فيها

يعني الفكره هنا لفت انتباه لا اكثر

ما اتى في الرساله يدل على خطأ كاتبها

والدها ووالدتها موظفان

مما ييعني اقله مردود متوسط لن نقول انه عالي او فوق المتوسط

لنقل اقل من متوسط

يعني رجل و زوجته و ابنه و ابنته

اربعه و راتبان لا اعتقد ان هذه الصوره

بكل هاذي السوداويه

اشكرك لما قدمت



***************************************



و الله اني لأستحي من فضل الله علي

الحمـــــــــد لله رب العزه و العرش
[/updown]
الرجوع الى أعلى الصفحة اذهب الى الأسفل
http://qisip.com/
زائر
زائر



مُساهمةموضوع: رد: رسالة من طفلة لرئيس الحكومه   الإثنين نوفمبر 01, 2010 10:36 am

اهنئك لقد استطعت ان تسيل دموعي

مودتي واحترامي لك ولقلمك المميز يا الله ما اجملها من قصة بل من كلمات ونثر

كل الشكر لك ..

والله يكون بعون هالـ الناس شو بدون يتحملو ليتحملو ومن هالموضوع , قررت اذيد رواتب العمال عندي 15 %

تقبل مروري واحترامي لك
الرجوع الى أعلى الصفحة اذهب الى الأسفل
 
رسالة من طفلة لرئيس الحكومه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جبـل العرب :: 
المنتديات العامة
 :: 
المنتديات العامة
-
انتقل الى: