قتل الفديع شقيق شالح بن هذلان الشاعر و الفارس الصنديد
وقد أخذ بثأره ثلاثة فرسان مشهورين ولهم صيت في الحرب ومنهم
فارس قبيلة العتيبة واسمه عبيد
فقال شاعر قبيلة العتيبة نادبا فرسانها
يا ونتي ونت كسير الجبارة اليا وقف محتال وليا قعد ون
عليك يا شباب ضو المنارة عليك ترفات الصبايا ينوحن
من مات عقب عبيد قلنا وداره لا باكيا عقبه ولا قايلا من
تبكيك صفر البسوها غياره تبكيك يومن السبايا يعنن
تبكيك وضحن ربعت بالزباره اليا قزن من خايعن ما يردن
الخيل عقب عبيد مابه نماره وش عاد لو راحن وش عاد لو جن
ياشيخ ما تامر عليهن بغاره كود الجروح الي على القلب يبرن
يقطع صبي ن ما ينادي بثاره اليا اقبلو ذولي وذوليك قفن
يا اهل الرمك كلن يعسف مهاره والمنع مانطريه لا هم ولا حن
فأجابه شالح ابن هذلان
ضيف الله اشرب ماشربنا مراره اصبر وكنك شالح يوم حزن
راح الفديع الي علينا خساره واخذ قضاه عبيد راعي ثقلهن
يمنى رمت به ماتجيها الجباره اللي رمت بعبيد في معتلجهن
من نسل ابو وضاريا للشطاره يصب رمحه يوم الارماح يخطن
و عاداتنا بالصيد ناخذ خياره وثلاثة الجدعان غصبٍ بلا من
وعبيد خلًي طايحن بالمعاره عليه عكفان المخالب يحومن
من حل دار حلو دياره لا بد ما تسكن دياره ويغبن
ومن شق ستر الناس شقو ستاره ومن ضحك بالثرمان يضحك بلا سن
وان كان ضيف الله يعسف مهاره فمهارنا من عصر نوحٍ يطيعن
تدنا لصبيانٍ سوات النماره شهبٍ لماضين الفعايل يعنن
اتمنا ان تنال اعجابكم و انتظروا المزيد