كيكة.........

مساء البرتقان عليكوا كلكم...عملت من كام يوم كيكة برتقان بس تحففففففففففة
لو عملتوها مرة مش هتبطلوا تعملوها..وأحلى من الجاهز مليون مرة
أسيبكم مع المقادير والصور

المقادير:
6بيض
3 كوب دقيق
2 كوب سكر
1 كوب إلا شوية زيت) يعني ما تملوش الكوباية(
1 كوب عصير بتقال
2 معلقة كبيرة بشر برتقال
2 معلقة صغيرة بيكنج بودر
باكو فانيليا

* أول حاجة هنحط البيض والسكر والفانيليا مع بعض ونخفقهم شوية على السرعة الأولى لحد ما البيض يبدأ يمتزج مع السكر وبعدين نعلي على السرع التانية لحد ما البيض يتضاعف ويبأة كريمي والصورة هتوضحلكوا




هنا بعد ما بدأ السكر يمتزج مع البيض



هنا لما البيض بأة كريمي



* بعدين هنضيف الزيت تدريجيا مع استمرار الخفق



*بعدين هنضيف عصير البرتقال تدريجيا مع استمرار الخق



بعدين هنضيف بشر البرتقال


* الأول هنخلط الدقيق مع البيكنج بودر
وبعدين هنضيفهم تدريجيا على الخليط



ده الكل النهائي للعجينة



هنصب العجينة في صينية كبيرة مدهونة زيت ...لازم الخليط ما يعديش نص الصينية...يعني يوصل لنص الصينية أو أقل شوية...ولو فضل شوية حطيه في صينية صغيرة أو في صواني الكب كيك



هندخلها فرن متشغل قبلها بربع اعة على درجة حرارة 180 وده شكلها بعد ما خرجت من الفرن




ودول للحبااااااااااااااااااااااااااااااايب