يا حلوة

يا حلوة

بدّي فَوق الشفايف
احترق بنار
وحياتك مَنّي خايف
لو شو ما صار
• * * * * * * * * * *
يا حلوة عمتغريني
بأجمل فستان
خلفِك عمبتمشيني
وجسمي شعلان
عجهنم ودَيتيني
ومَنّي دريان
وبغمزة جننتيني
أنا عقلي طار
• * * * * * * * * * *
يا حلوة عمتدلع
يحميكِ الرب
قلبي بغرامِك ولَّع
حنّي عالقلب
حاسس قلبي رح يوقع
من كتر الحب
لما بلاقيكي بقشع
بالليل نهار
• * * * * * * * * * *
يا حلوة عمتدلل
دوَّبتي الروح
دخلِك ماعد إتحمل
بيكَفي جروح
حتى بحسنِك إتغزل
قولي مسموح
بكتب أشعاري الأجمل
ع وراق الغار

4 / 4 / 2008[/justify][/justify][/left][/left]

طل علينا المدلل عبد المسيح
عفراقوا ما منتحمل قولي صريح
مشوارك عنا طول وحق المسيح ن
حنا مارح نتحول
ولو شو ماصار


لا تحرمنا من هالفن الحلو

عم تتغنى بالحلوة ومتليك الكل

علقان بذات البلوةوما بدو يفل

انشالله من هاك العلوة بتظل تطل

تتونّس مر الخلوة وتغوى الأزهار

=========================
حيالله بالشاعر

الأخت الغالية ميمونة اليونس

راجع قلبي بعد غياب
يعلن شوقو للأحباب
يا نسمة فل وأطياب
كرمالك بكتب أشعار...

عبد المسيح

الأخ نزار محمد شجاع

عن دربك ما بقدر زيح
لو بدها تعاندني الريح
بيقلك عبد المسيح :
معكن رح كفّي المشوار ...

عبد المسيح

الأخ نزار محمد شجاع
عن دربك ما بقدر زيح
لو بدها تعاندني الريح
بيقلك عبد المسيح :
معكن رح كفّي المشوار ...

عبد المسيح

الشاعر يونس محمود يوسف

يا يونس يا أغلى الناس
أشعارك بتعبي الراس
عالصافي رح نشرب كاس
ونصير بجنة أزهار ...

عبد المسيح

الأخ مروان الحلبي

يا ساكن بعيون الفل
عشفاف النغمة بتضل
أشعارك لما بتهل
بيطل من الليل نهار ...

عبد المسيح

إلى فارس بلا جواد

بتسافر بين الكلمات
لتعانق عطر الوردات
لملم أشواق النجمات
قلبك مع أشعاري طار ...

عبد المسيح