نجمة الحب

نجمة علينا هليتِ = زحتي الليل وعتماتو
عنا لو يوم فليت = قلبي احكمتي بمماتو
*************
خدودك متل البلورة = شمس بتضو المعموره
ويا عيني عَ التنوره = نسَّت يونس حياتو
**************
قالت يا شاعر أوعى = الأرض لغومي مزروعى
ما فيك تبوس شموعى = بتحرق تمك دمعاتو
*************
بحبك راح قضّي سنيني = مهما بنارك تكويني
ان كنتي ما بتحبيني = شعلوا بقلب جمراتو
***************
يا ام الشال العنابي = حاجي تزيدي بعذابي
لا تطيري بوسط الغابي = جفتي مجهز طلقاتو
****************
قالت بو هاشم حاجي = لا تزيد اليوم احراجي
هلق راح طفي سراجي = خلصوا الليلي زيتاتو
**************
مودتي = أبو هاشم

قالت بو هاشم حاجي = لا تزيد اليوم احراجي
هلق راح طفي سراجي = خلصوا الليلي زيتاتو


اي والله حاجي يا ابو هاشم


ام الشال العنابي=حرقت مهجات صحابي
حاجي وانت كذابي=طير يونس عقلاتو

جميل يا ايو هاشم
مودتي

ههههههههههههههههه

و الله رائع

الف شكر لك

شاعر وتغنى بنجمة ................. وزينها بأحلى كلمة

انشالله (على رأي الناس)............دوم الضحكة والبسمة

بوهاشم شاعر خطير .............. رجع وطب بنفس البير

لمّن لاحوا التنانير..................قعد يسأل شو اسمي


بْلا ما يفكر بالختام .............. تمشى ما بين الألغام

حكمت حوا بالاعدام.............وهوّي راضي بالقسمة

بوهاشم بانت خلاص ......... عن حوّا ما لك مناص

يل عامل حالك قناص ......... لابتصيد ولا بترمي

رح ابعثلك تنْكة زيت ......... توصللك لنص البيت

حتى ما تقلي فضّيت ...........سراجي وعايش بالعتمة
==============================

الشاعر الأخ أبو هاشم .... أعتذر أولا عن تأخري عن معزوفتك الجميلة بسبب بعض المشاغل

أرجو تقبل كلماتي ...... مع فائق الود

وينك ابوهاشم