نسرين للشاعر طليع حمدان

من روائع ما قال الشاعر المعروفي طليع حمدان في الغزل هذه القصيدة اللي اخترتها لكم انشالله تعجبكم

نـسريــن بُـكـرا تـعـي عـالـوعـد يـا نـسـريــــــــــن
وشـوفـي بـنـومـِك انـا الـلـيـله اذا غــفـيــتــــــــــــي

نـاطِـر ع بـاب الأمـل قــلـو لـصـوتِــك مـيــــــــــن
وأسـمـع تـقـولـي أنــا بسـحـري الـبـريــــــــجـيـتـي

وفـوتـي يـا عُـمـري اقـعــدي وشـفـافِــك الـحـلويـن
بـكــلمـة بحـبّــك انـا تـبـلــــــــــــــــــش بـتـفـتـيـتـي

ت يـروح خـبـزي لِـكي فـتـافـيـت مـشـتـاقـــــــيـن
وحَـوْض الـربـيـع الـطفــل يـاكـل فـتــــــــــافـيـتـي

وبَـلـكي سخـنـتي وعَـبَـق ع خـدودِك الـتـلـويـــــن
ونـمـتي ومـثـل الفـجـر مـن نـومِـــــــك وعــيــتي

بـيـن الـورود الـ بقـو أيـــــــــــــــام عَـطـشـانـيــن
يــا رَيـت بـسخُــن أنـا وبـشــــــــوفِــك شـفـيــتي

وقـومي ع جَـنبي اسهـري وخـلي الغـصون تـلـيـن
وإحـكي بـثـمّـي اذا بلــهفــاتـِك حــكــــــــــــــــــيـتي

وكــل ما بـكــيـتي الـي دمـعـات شـعـلانـيـــــــــــن
أشـــرَب دمــوع الـنـدي مــن ويــــن مـا بــكــيتـي

وكـيـف الــمُـلحّـن مِـشـي بـداخــلو الـتـلـحـيـــــــــن
الـتـــنمـــيـل فـيّـي مِـشي بـشـعُـر اذا مـشـــــــيـتـي

تـخـمـيــن أمِّــــــــــــــــك لـهـا عَـيـنـيـن نعــسانـيــن
وأنـتـي زغــيــــــــــــره بنـَعَـس نـظراتــها ربـيـتـي

نــسريــن نـادي ارجـعــو ولا تـهـربـو يـا ســنيــن
لاحِـق يــا تـخـت الــورد تـتـصيــر تـتـخــيـتــــــي

وعـالأرض نِـمـشـي مـثـل حَـطــاب هـالـمـسـكـيـن
بَـردان بـاقــي مـعــو قـشـــــــــــــــــــــه بـكـبـريـتـه

للـبـرد قـبـلـو تـعـي بـريـحــة ورق تــشــريــــــــــن
وبـعــطــر أوّل شِـتــي طــلي ع تـشــــــــــــتــيــتـي

يــا بـقـول جــيــتي نـدي وزهــور وحــساســــــيــن
يـا بـقــول عــزّي انــتـهى وعــالــوعــد مـا جـيـتــي

الله يسلم ملافظ القائل

وذوقك أبو أسعد عحسن الاختيار

الله يا ابو اسعد ..... ما بتجيب غير الدرر

والشاعر طليع حمدان غني عن التعريف

يسلم ايديك

يسلم ملافظو حلوينننننننننننننننن

شكرا لك

قصيدة رائعة أخي مروان
الله يعطيك العافة
وهذه قصيدة بديعة لشاعرنا الجميل طليع حمدان

شوصار بالحالة يا فرفورة == المكتوب قلي مش العصفورة\\\\\ قال انكسرتي وانوجعت كتير== ويمكن غصون البان مكسورة

وبعرف من ليالي الشتي بكير== عم تحلمي بزهرة زغيورة\\\\ وفيك مصورها الندي تصوير== وراحت قبل ما تظهر الصورة

شو زعلت لما سمعت ها الكلمات== ودعيت عا حظي الف دعوة

وحسيت بقلبي ربيعي مات == وحامل بيدي ورقة النعوة

بس الأمل عيش قلب مجروح== من بعد ما جفني بكي حفنة

وقلت يمكن بعد فيك روح== وعمرك يقدم دفنك ودفني

ولما تنعوش ورد عمري شوي== عرفتك شوي مليح يا بيتي

ولما رجع كلو عبير وفيّ == عرفتك مليح مليح صحيتي

ودخلك مليح الطيبة بقيتي== ولولا عا بيتك ميته جيتي

كنت عا صوتي من كتر ما بكيت== وعيتي وعليي بموتك بكيتي

ولما لقيت العاج مش مكسور== وبعدو الربيع مكلل غصونك

ايد الحكيم هنيتها بسرور== وقلتلها قديش ممنونك

وضويت حدي شمعتين النور == هودي ندر تا فتحو جفونك

شمعة تقول سلمت يا دكتور== وشمعة تقول سلامة عيونك

وسلامة الضحكي وحلا ها التم== وحياة عينيي المعك فلو

تا روح اشحد لليتامى ولم== ان كان بتعيشي العمر كلو

وكلما بدياتي يتيم بضم == بكفكف دموعو الحمر وبقلو

منو يتيم اليتيم الأم == لكن يتيم الحب يا دلو

ا نشا الله تعيشي أكتر من القوت== واكتر من المرجان والياقوت

بعينين ما فيه متلهم عينين== وجسم برموش الزهر منحوت

وطيرين يا عيني على طيرين == عا الصدر عم بينقودو بسكوت

من وين ما بعرف انا من وين== كانو يسرقولي كبوش التوت

وتنقول ربك طالبك بالدين== وقلو لتمك يا حبيبي سكوت

بدي سوية ينتهو العمرين== عا شرط ما ندخل على تابوت

تمنيت نبقى بين جفن وبين== العين الحنوني الحبها مسكوت
وكل قلب منا يدفنوه بعين== ولما تعيشي بالعيون بعيش ولما تموتي بلحقك وبموت

» النصب التذكاري لرشيد بيك طليع في قرية الشبكي
» الى الأخ بشار ابو حمدان
» ابو تمام بشار ابو حمدان
» إلى الأخ بشار ابو حمدان
» مساجله بين الشاعرين الجرناس و بشار ابو حمدان