| مساجله شعريه | |
|
+4يونس محمود يوسف القرنفال الأحمر فارس بلا جواد رائد عيد 8 مشترك |
|
كاتب الموضوع | رسالة |
---|
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 79771 تآريخ التسجيــل : 06/01/2010
| موضوع: رد: مساجله شعريه السبت مايو 15, 2010 2:11 pm | |
| - الشاعرة الباكية كتب:
- أنا شايفي إنكن حولـتوها لتهديــد و وعـيــد
مساجلة يونس محمود ووجدي و رائد عيد
يمكن في طريقة غيرها بتخدم والكل سعيد
إدا كل واحد افتخر بخلقه وأصله الفريد
بدون ما يجرّح (خصمه) ويتمسك بالتقليد
صحيح فرحتوني بإسلوبكن الغني بالقصيد
بس كـــان بدي تكون منابـزي بالتمجيـد
لأني خايفي تتحول لقتال بعتاد وحديد
وانتو ماشالله أصحاب كلمة وراي سديد
فخليكن حبايب وكل واحد عن الهجا يحيد
وتغاووا بالمودي وتبادلو القول الحميد
خذوا عني هالوصية انشالله إنها بتفيد
هيي نصيحة مني الكن وراي سديد
من الشاعرة الباكيي اعذورني لصراحتي أكيد
بحب الشعروبحاول من الفطاحل استزيد
بختمها بشكري إلكن وكلامي ما هو تهديد
بـس تمنيت مساجلتكن تظلها فيها حصيد
تنفع الكل وينضملها كمان من الشعرا العتيد
طولت سردي لاتلوموني على المدى البعيد
خوفي ختامها بيـنكن ما يــكون مــديــد
الشاعرة الباكية
يا باكية الجاية بنغم جواتها
تنصح فطاحل شعر في سا حاتها
وحياة عينك ها النصيحة ذاتها
قلتا قبل ما نبدأ بجولاتها
وسجلت قولي درر عا صفحاتها
وحبات حنطة مغربلي حباتها
بقلك مثل يا باكية بوجناتها
النحال لازم قبل ما يأكل عسل
بدها الخلية تقرصوا نحلاتها
الشاعرة الباكية أهلاً بك والمحاورة جميلة هي بالشكل خلاف والمضون محبة خالصة أبو هاشم | |
|
| |
الشاعرة الباكية عضو فعال
جنسيَ » : مشآرگاتيَ » : 64 نقآطيَ » : 76765 تآريخ التسجيــل : 04/05/2010
| موضوع: رد: مساجله شعريه الأحد مايو 16, 2010 2:25 am | |
| يابو هاشم ردك للباكية بذاتها
يشرفها بدررك المنقاي حباتها
بس أني قـلت نصيحتي عساتـها
تكون نبراس وينعرف منيح معناتها
بتمنى شعري وأني الباكيي جواتها
ما يكون زلزال للفطاحل بساحاتها
إن كان النحال بتقرصوا نحلاتـها
شوباك متورم وانت ما نلت عسلاتها
كارك المرجليّ وفاتك شرف غزواتها
لا تـعـارك إن ما كـنت قــد حمـلاتـها
شاعره وإخت رجال ولوبكت مقلاتها
قلبها صوان و ما يـهمـها جـولاتهـا
ردت على قصدك وهاذي عاداتها
ما تهاب الكون لو الجحافل جاتها
روح تخبا قبل ما تصيّر من مواتها | |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الأحد مايو 16, 2010 5:28 pm | |
| حاجي يا ابو هاشم تهد وترعد ولا عاد تبني لحالك كرسي لتقعد
لا تفكرني مثل ابن عيد برضى تحت المسطبي أقعد ولا تشبهني بميمونه عاد اذا طيرتها بشوية حكي بلين الحديد اعرفني منيح تراني خصم عنيد ما بحب الطيران غير للبعيد والمواجهه هي مقصدي الوحيد وسهام الغدر ما بضنها معك تفيد
سدد سهمك يا ابو هاشم للقلب تسديد وما عاد تخربط بالكلام وتزيدها تعقيد
بدك شعار الجبل وبالعدد عبتطلب المزيد اذا واحد منهم رح يخليك صباب قهوي مثل العبيد
عذرا اخ ابو هاشم على كلامي بس هي منافسي وتحدي بالقصيد والك بالقلب معزي واحترام كبير
اخوك ابو قيصر
| |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الأحد مايو 16, 2010 5:34 pm | |
| - الشاعرة الباكية كتب:
- يابو هاشم ردك للباكية بذاتها
يشرفها بدررك المنقاي حباتها
بس أني قـلت نصيحتي عساتـها
تكون نبراس وينعرف منيح معناتها
بتمنى شعري وأني الباكيي جواتها
ما يكون زلزال للفطاحل بساحاتها
إن كان النحال بتقرصوا نحلاتـها
شوباك متورم وانت ما نلت عسلاتها
كارك المرجليّ وفاتك شرف غزواتها
لا تـعـارك إن ما كـنت قــد حمـلاتـها
شاعره وإخت رجال ولوبكت مقلاتها
قلبها صوان و ما يـهمـها جـولاتهـا
ردت على قصدك وهاذي عاداتها
ما تهاب الكون لو الجحافل جاتها
روح تخبا قبل ما تصيّر من مواتها
يا اللي بكت و ما غلاك يا دمعاتها بنت الأصل ما تغير بعاداتها
بتزرع قمح وبتحصدو بدياتها
بتسعى لزرع الخير في جناتها ما تهاب نحلات بو هاشم ولا لسعاتها
بتقطف عسل تهديه لجاراتها
عمك بو هاشم ان قطف ورداتها
ما راح يطلعلوا سوى شوكاتها
الشاعرة الباكية تابعي نورت | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الأحد مايو 16, 2010 6:12 pm | |
| لا تفكرني مثل ابن عيد برضى تحت المسطبي أقعد ولا تشبهني بميمونه عاد
ما عاد نعجب حدا يا ابن عيد وجدي اجاني بوعيدو وبالرعيد
نحنا كقطرة في بحر حرفو البعيد
طالع ع بالي حاسبو ع ها القصيد تايشرب الدمعات من بعد الصديد
نحنا يا وجدي شمعة بتضوي بعيد لا تستهين كثير ما تفل الحديد | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86125 تآريخ التسجيــل : 20/08/2008
| موضوع: رد: مساجله شعريه الأحد مايو 16, 2010 6:45 pm | |
| مو شاعر يلي كل حكيو بالغلط كلما خسر جولي بأشعارو هبط وبيصير يخبط شي يمين وشي شمال وكل ماجمعتو بخيط من شعري فرط ويلي مش معود على طلوع الجبال كلما ارتفع عن موضعو شويي سقط مسكين بعت الشعر كرمال السجال ويلي بيخسر راسمالو بالشعر ما عاد فادو لا حروف ولا نقط هههههههه أبو هاشم الغالي تحياتي
عدل سابقا من قبل رائد عيد في الأحد مايو 16, 2010 10:39 pm عدل 1 مرات | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86125 تآريخ التسجيــل : 20/08/2008
| موضوع: رد: مساجله شعريه الأحد مايو 16, 2010 8:32 pm | |
| الأخت ميمونه الشعر: وجدي إجانا حامل بإيدو قصيد قصدو يشاركنا بأكوام الحصيد لا حظ عندو ولا معو شي ينفعو أعمى وحامل جعبتو وجايي يصيد خلي الطيور من البيادر يشبعو عنا الخير كثير والموسم سعيد مسكين بعدو صغير باول مطلعو لا تزعلي. خليه بلكي بيستفيد شوفي الطفالى بيحمانا تجمعو لا تعلمو قافي ولا حفظو نشيد جايين تا يتدربو ويتسمعو لا تبخلي بالنصح والرأي السديد جاين ع نهر الشعر من منبعو طالع عبالي اليوم علمهم درس ويصير كل ماشافني شاعر يحيد | |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الأحد مايو 16, 2010 10:55 pm | |
| رائد بكفي حاجي تنفش بريشك ذكرتني بجاجة لمن بيهاجمها ديك
أطمن ولا تخاف وترتعب يا شريك الطيور الجارحه ما بتهاجم السنونو لركيك
وهلق بحب قلك أجا دورك ولازم تنقرض افضل ما ضل اني وابو هاشم ننعث فيك
عذرا منك اخ رائد عيد ابو قيصر | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الأحد مايو 16, 2010 11:20 pm | |
| وجدي يا رائد ضيفنا ويا مرحبا واعطيه ايدك اذا ما طفل حبا جاي يهاجمنا بحرف قد كبا رغم البذور العاطري بالموهبا
لا تخاف وجدي من حروفي واشربا مني النصيحة بالمودة مخضبا
لا تكون ماشي والنظر منك خبا خيك بو هاشم من قصدي بيهربا
هههههههههه رائد ما تسكت برافو عليك علمهم الشعر يا شاعر الصرار | |
|
| |
الشاعرة الباكية عضو فعال
جنسيَ » : مشآرگاتيَ » : 64 نقآطيَ » : 76765 تآريخ التسجيــل : 04/05/2010
| موضوع: رد: مساجله شعريه الأحد مايو 16, 2010 11:49 pm | |
| نورك يا ميمونة بهالمساجلي غير لرسلك سلامي محمل عجنح طير بتمنى يوصلك يا خيا و نتي بخير بس وجدي مفكر حالو هو الكبير مالو ند بالشعر و هو وحدو خطير حوّل المنابزي لبركان نار وسعير ما شاف قدامو حدا لنو نظرو حسير مفكر حالو عقمة جبل و هو عشفير إن هبت النسايم مثل ريشي بطير ليرجع تحت المسطبي يقعد كسير وين بدو يعلّي و ريشو زغب زغير هو راعي بوش القوم و مفكر انو أمير تختمها الباكيي بحروف معطرة تعطير عجز كلامها و المعذرة عن التقصير | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الأحد مايو 16, 2010 11:56 pm | |
| ههههههههههههههه حياك الله يا أيتها الباكية الرقيقة سأعود إليك بردي مودتي لك
| |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الإثنين مايو 17, 2010 12:33 am | |
| [ b]خي ابو هاشم عالدوم مخوف العدا ومن مواجهتو الكل بيهربا نصحكن وما سمعتو كلامو ع سوى وها اني بجدد نصيحتو وبمجدا وكافيكي يا ميموني تشدي ايدك بالهوى راائد لنتائج ما عاد بيستوعبا بعدي عنو وخليه بهمومو يتقلبا وعملي منيحه وعطيه علبت دوى بلكي قبل ما يجن نلحقو ونخليه يشربا ونعرفو البطاطا من كلمت المرحبا [/b] | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86125 تآريخ التسجيــل : 20/08/2008
| موضوع: رد: مساجله شعريه الإثنين مايو 17, 2010 12:41 am | |
| وجدي قصد يونس تحت "باطو" انحشر بلكي بيتخبا من حبال المطر ماعرف إنو السيل جاييهن سوا رح يجرف الأغصان ويعري الشجر عاكل حال العود عاغصنو لوا وثنينكن صرتو على جرف الخطر مني نصيحة قبل مايهب الهوى وتتعكر الدنيا ويعميها القدر شاعر أنا وعندي لكل عله دوا إن كان راسك ياحبيبي واجعك رح خلصك من راسك بلمح البصر | |
|
| |
مروان الحلبي الادارة العامة
جنسيَ » : مشآرگاتيَ » : 5877 نقآطيَ » : 89817 تآريخ التسجيــل : 28/08/2009
| موضوع: رد: مساجله شعريه الإثنين مايو 17, 2010 12:59 am | |
| إخواني الأكارم..أولا أشكركم على ما تتفضلون به هنا ........ولكن قرأت في بعض الردود
كلمات غير لائقة والفاظا نحن بالغنى عنها في المنتدى ولكي لاتتحول المساجلة الى ساحة حرب
لي رجاء من الجميع الالتزام بالكلمة الهادفة وعدم التجريح والتنافس ضمن اطار الشاعرية
لكم جميعا مودتي | |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الإثنين مايو 17, 2010 1:19 am | |
| من اسمك باكي وبكلامي ما رح شد عليكي بخاف يصلك شي وبعديها فيكي ببتلي بنصحك نصيحه وبحطها بأيديكي اياكي تلعبي بالنار بتفضحينا وبتتبللي بركاني ان ثار ما رح يرحم عنيكي فهربي قبل ما علمك درس بالمرجلي بس خايف من البشر يعيبوني فيكي اني حطيت عقلي بعقل طفلي مدللي | |
|
| |
مروان الحلبي الادارة العامة
جنسيَ » : مشآرگاتيَ » : 5877 نقآطيَ » : 89817 تآريخ التسجيــل : 28/08/2009
| موضوع: رد: مساجله شعريه الإثنين مايو 17, 2010 1:33 am | |
| للمرة الثانية ارجو الالتزام بآداب الكلمة والا سأضطر آسفا لنقل الموضوع للتداول | |
|
| |
فارس بلا جواد الادارة العامة
جنسيَ » : مشآرگاتيَ » : 9823 عمريَ » : 55 نقآطيَ » : 100990 تآريخ التسجيــل : 02/06/2008
| موضوع: رد: مساجله شعريه الإثنين مايو 17, 2010 2:05 am | |
| اوافق الاخ مروان والراي و ارجو ان يكون ما تفضلتم به
فقط على سبيل المداعبه و ارجو تغيير اللهجه
و للاخ مروان حريه التصرف بما يراه مناسبا | |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الإثنين مايو 17, 2010 2:48 am | |
| يا رائد عيد:
راسي ان وجعني بعرف داويه والضيف ان لفاني بالمرحبه برحب فيه والعاقل ان حكاني بعرف حاكيه *والمحبوب* ان هاجمني ما بعتب عليه و اني لهواك يا حبيبي بعرف اهديه قد ما اشتد عودك خفيف بلاقيه بالله عليك ما عاد تقلي عواصف ورعود شايف كلامك مكدس ما حدا قبل يشتريه
ابو قيصر | |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الإثنين مايو 17, 2010 2:56 am | |
| كل الاحترام للشاعر الكبير مروان الحلبي والاخ فارس بلا جواد واقدم كامل اعتذاري اذ بدري اي اساءه او اخطاء في الكلام ولاكن المقصد هو المداعبه والمرح وفي البدايه قد كتب الاخ رائد عيد بأن هذا الموضوع للمرح وعلى الاعضاء المشاركين ان يكونو واسعي الصدر والتذكر ان هذا الموضوع للمرح فقط .... لكم مني كل الاحترام والمود ه | |
|
| |
الشاعرة الباكية عضو فعال
جنسيَ » : مشآرگاتيَ » : 64 نقآطيَ » : 76765 تآريخ التسجيــل : 04/05/2010
| موضوع: رد: مساجله شعريه الإثنين مايو 17, 2010 3:10 am | |
| من اسمك باكي وبكلامي ما رح شد عليكي بخاف يصلك شي وبعديها فيكي ببتلي بنصحك نصيحه وبحطها بأيديكي اياكي تلعبي بالنار بتفضحينا وبتتبللي بركاني ان ثار ما رح يرحم عنيكي فهربي قبل ما علمك درس بالمرجلي بس خايف من البشر يعيبوني فيكي اني حطيت عقلي بعقل طفلي مدللي
الأخ وجدي
عباراتك التي ضمنتها في ردك تضمنت العديد من كلمات لا تليق بمبادئ المساجلة الشعرية
و تحتوي على تجريح صريح يخلو من الدماثة و روح الدعابة التي هدفت إليها و اسميتها مرح
لذا لن إبادلك الرد بالمثل | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الإثنين مايو 17, 2010 12:33 pm | |
| الأخوة الأعزاء أضم رأيي إلى رأي مروان وفارس والشاعرة الباكية نعم هي مداعبة ونستمتع بها أكثر إن كانت ضمن الإطار المقبول وحتى لا يتحسس البعض سأنتظر الجديد الشاعري احترامي للجميع
| |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86125 تآريخ التسجيــل : 20/08/2008
| موضوع: رد: مساجله شعريه الإثنين مايو 17, 2010 1:51 pm | |
| دريكيش واحة حب وانت العندليب زايد حلاها فيك طيب على طيب كل الجمال تجمع بساحتها وكل الأدب جوات قلبك يا أديب *** الأخ الحبيب والشاعر النجيب يونس محمود يوسف أشكر حضورك الرائع وتفاعلك بهذه الروح الكريمة وشاعريتك العاليه التي شرفتني بالحوار معها كما أشكر كل من ساهم بإغناء هذه الصفحة وأخص بالذكر الأخت الكريمه ميمونة اليونس ولكم جزيل شكري وتقديري | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الإثنين مايو 17, 2010 2:01 pm | |
| ما لي أراك تختم المساجلة أيها الرائد ما زال الدرب طويل ههه مودتي
| |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79375 تآريخ التسجيــل : 04/11/2009
| موضوع: رد: مساجله شعريه الإثنين مايو 17, 2010 3:56 pm | |
| بكل شجاعه
ميمونه ويا وردي جوريه شكرا لمساجلتك الشعريه الباكيه حقك عالراس وانتي ما قصرتي فيه وكلماتي ماكانت غير فتحت باب لضرباتك الهمشريه ورائد يا ذيب الشليه منك استفدت حيث ليك الاوليه وابو هاشم يا سيف صامد بأرض المنافسي القويه بقدملكن اعتذاري بكل روح رياضيه وبعلنلكن انسحابي مادامكن مش راغبنين فيه لعلها خطوت خير تسجل بصفحاتي الاخرانيه وبختم كلامي داعيا رب العباد حامي الكره الارضيه يوفقكن وينصركن على كل الاحرف الابجديه | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102545 تآريخ التسجيــل : 06/05/2008
| موضوع: رد: مساجله شعريه الإثنين مايو 17, 2010 5:39 pm | |
| أخي وجدي من طلب منك الانسحاب ومن قال أنك غير مرغوب به الكلام موجه بشكل عام حتى لا يغضب أحدنا من دعابة وبما أن روحك رياضية أطلب منك الاستمرار فنحن لا نقصد إلا أن نقول الكل هنا أخوة وأحباء ولكن أحيانا بعض الكلمات قد تجرح البعض دون قصد من قائلها أرجو أن تكون فكرتي قد وصلت وأرجو المتابعة بروح الأخوة مودتي لك وأنت شاعر رائع نعتز به وبتواجده بيننا
| |
|
| |
| مساجله شعريه | |
|