أمثال جبل العرب

166* إبنك لا تعلمو الدهر بيعلمو

167* تجوزنا لننستر سقلله أيام الفضيحه

168* الجوع الحابس , تحت الغمر اليابس
قبل البيادر بقليل تكون مؤنة العام الماضي قد انتهت

169* بكره بيذوب الثلج و بيبان المرج

170* ثلاثه ما بينطاقو : الطق و النق و البق

زيدونا الله يزيدكم من نعيمه

متابعة معكم

الثلم الاعوج من الثور الكبير

بدك تطعمي التسعة ..لتاكل العشرة

الأخ نور الهدى
مشكور على هذا الغنى
في الأمثال الشعبية التي هي من صميم واقعنا
تحياتي لك

171* الرفيق قبل الطريق

172* بيصرخ و المكوى ع النار
يقال للخائف من المصيبة قبل وقوعها

173* شباط ما ع كلامو رباط

174* مثل كباش المسلخ , واحد بينسلخ و الثاني بيشتر
دليل على عدم الرباط بينهما

175* عيش يا كديش تا ينبت الحشيش

القرد بعين إمو غزال

كل ديك على مزبلتو صياح

عنزة ولو طارت

كومة حجار ولا هالجار

بيفوت مع أم العريس بيطلع مع أم العروس
يلي عندو فلفل بيرش على الخبيزة
متل كلاب رشيدة(( هناك وادي وله صدى ...طوال الليل تنبح الكلاب وترد على نفسها))

جارك القريب ولا خيك البعيد

لا بالشام عيدت ولا عند اهلي طلعلي عيد

اللي ما بيطول العنب بيقول عنو حامض

بطيخ يكسر بعضو

مش رمانة قلوب مليانة

يا داخل بين البصلة وقشرتا

عند القدر بيعمى البصر

ضربني وبكا سبقني واشتكا

نور الهدى
نزار السجاع
مروان الحلبي
ميمونة اليونس
يخزي الهين ... و الله ماني لاحق معكم شيء
موسوعة من الأمثال الشعبية
الله يعطيكم العافية
و مشكورين

176* حط المخرز بعينك بيئلمك مثل ما بيئلم غيرك

177* بيقتل القتيل و بيمشي بجنازتو

178* العدم و لا الندم

179* إن فاتك عام تلقى غيرو

180* دق المي هي مي

181* دق الحديد و هو حامي

182* غزال لو طار

183* الذباني ما بتقتل بس بتغث ع المنافس

184* صبرك ع حالك و لا صبر الناس عليك

185* العين ما بتقاوم المخرز

ثلاثة بتقصر العمر(الدار الوسيعة ...والمرا البديعة .... والراتب)
حط راسك بين الرووس وقل ياقطاع الرووس
كل حبة مسوسة إلها كيال أعور
الجمل لو شاف حردبته بيقع وبتنفك رقبتوا

خبز مخبوز ومي بالكوز

ساقية جارية ولا نهر مقطوع

الله ما أروعكما
نور الهدى & نزار
مشكورين يا أخويّ
تحياتي

186* العين مغرفة الكلام

187* يا ماخذ القرد ع مالو بيروح المال و بيضل القرد ع حالو

188* ع حض الحزيني بتسكر المديني

189* إجت الحزيني لتفرح ما لاقت بالفرح مطرح

190* لبدو ياكل دبس بيعلق ع شواربو

اللي بدو يخلف ولاد بدو يشبعها دبس

اذا كبر ابنك خاويه

زائر

الخطاء الوحيد الذي يرتكبه الانسان انه يعتقد فيه خطاء وحيد

الأخ نور الهدى
الأخ حروف تائة على ما قرأت
شكرا ً لكما جزيل الشكر
فبمشاركات الأخوة الأعضاء أستمر
دمتم بخير

191* المعاتبي صابون القلوب

192* خوذ الحكم من إفواه المجانين (بلا معنى )

193* الصهر سندت ظهر

194* من عمل بغير كارو قل مقدارو

195* عطي الخبز لخبازو لو أكل نصو

ساقي القوم آخرهم شراباً
قلب المؤمن دليله
قليل في الجيب خير من كثير في الغيب
خير صِلاتِ الكريم أَعْوَدُها
كل امرئ بما يحسنه
كما أن السؤال يُذِلُّ قوما كذاك يعز قوم بالعطاء

يلي بيستحي من مرتوا ما بيجيب ولاد
غير اسموا وهاتوا
لو دامت إلك ما وصلت لغيرك
كلب الأمير .....................أمير

أخ nemer بدنا تجمعهم بكتاب

الله الله يا نور الهدى و يا نزار
هذا دليل على خبرتكم الجيدة في الحياة الإجتماعية
و تواصلكما المتين مع المجتمع
شكرا ً جزيا الشكر لمداومتكم على هذا الموضوع
مع تقديري

» الدم فدا جبل العرب
» أمثال عن المرأة بكل لغات العالم
» عودتي من جبل العرب الى بيت جبل العرب
» العرب والحضارة ....
» فريق جبل العرب