محكمة جبل العرب

يالطيف

جريدة جبل العرب

على كل حال

حروف متهم بكثرة الأخطاء الإملائية

وأحياناً تنزيل موضوع عبارة عن جملة مثلاً لا غير

مروان الحلبي كتب:

أهلا بهالطلة أهلا

حروف الغالي يا حيالله لوين جاي يا حبيبي !!!!

خيو ابو الفوارس (عفوا نحنا بمحكمة ) سيادة القاضي الوقور :

أول باشتان : الله فكوا من عقوبة تصل الى سبعين سنة سجن بالانفرادي وع عشر جلدات بشوحط ذيل فيل

كل يوم لو ما غير اسمو لأنو بكل اللغات اللي الله خلقها أول مرة بشوف الاسم بصيغة الجمع والصفة بصيغة

المفرد ............. هاي زمط منها

منجي للتهم :

قال ابو الاسود الدؤلي والخليل بن احمد الفراهيدي وفقهاء اللغة أن كل من يدان من قريب او بعيد

باللعب باللغة العربية يحاكم بالسجن خمس طعشر سنة مع الاشغال الشاقة جدا .

سيادة القاضي هذا المتهم عم يدخل على كل الاقسام دون استثناء وهاي شغلة مليحة مش تهمة

ولكن دخولو الى بعض الاقسام عم يكون مربك أهاااااااا بمعنى ثاني إنو على سبيل المثال

صار يكتب بالشعر وبالمنتديات الأدبية وهذا كمان مش غلط بس وين الغلط يا حزرتك (ماشالله على هالمحكمة)
الغلط انو لا وزن ولا كلام مفهوم ولا كتابة صحيحة وهذا ايضا على موجب المستند الاول

يحاكم عليه لنقول بعشر سنين (يلا ماشي الحال) صار معنا يا مرحوم البي خمس وعشرين سنة

ومن ثم بكثير من الاوقات المتهم متواجد وها كمان شغلة منيحة بس !!! بتلاقيه محاصر بالاقسام الثانية وتارك

القسم الواقع تحت اشرافو وهذا يندرج تحت باب الاهمال والذي تصل عقوبته الى سبع سنين بيصيروا هيك

شي اثنينا وتلاثين سنة

بعدين خيو كل يوم والثاني توقيع شكل واخر توقيع بين ايدينا فيه كلمة غلط اللي هيي بصااارحة بدل بصراحة

فعلى مبدأ المكتوب بينقرا من عنوانو يعاقب هنا على العنوان بأربع سنوات منكون وصلنا للستة والتلاثين سنة

وبعدين خيو متل ما تفضل الأخ جلال من ورا المتهم انلوق لسان الأكثرية هون وأولهن حضرتك يا قاضي

لاني قريت بأحد أجوبتك (على فوئة) شو هاي على فوئة!!!!!! هاي لحالها عقوبتها ثمانيه عشر سنة

روووووووووووح صارو يا بو الحبايــــــــب أربعة وخمسين سنة .

والأهم من هيك إنو المحامي تبعو ميمونة اليونس فهاي لحالها بياكل عليها تأبيدة . قرررررررررررررر

لذلك خيو ورأفة بالمتهم أحسن ما يظلوا يتعلعل اعدموا أريح الو (شفتوا أنا شو حنون )

واذا صندوق المنتدى فاضي كل نفقات الاعدام على حسابي بأي طريقة كانت شنق ,جلد, قص رقبة

مش مشكلة

ويحيا العدل والعدالة المتمثلة بشخصكم الكريم فارس بلا جواد

المدعي الحنون جدا : مـروان

ملاحظة اذا المحامي كمان بدو يوقف معو بعد كل هالتهم كمان فيك تعدم وعلى حسابي تكرم

والله عال العال
مدعي عام عم يصدر أحكام
شو شغلة القاضي دخلك
قشار بصل يعني
مو منيحة بحقك يا أبو حيان
الظاهر انك متساهل كثير
والشباب ركبوا على ظهرك
بلا معنى يعني
وبعدين عم يقول الأستاذ مروان
أنو أنت انلوق لسانك
على فوئة
هاي اهانة للقاضي
يعني لازم تاخذ حقك بإيدك
وثالثا
عم يقول في توقيع حروف كلمة غلط
بصراااااحة
هاي على مبدأ
بااااااااي
هااااي
وهوااااااااية
هههههههه
مو جريمة يعني
وعم قول أنو عم يهمل القسم المشرف عليه
طيب شو بيعمل إذا عم يكتب لحالوا وما حدا عم يكلف خاطروا يهمسلوا شيء همسة ويقول شكرا
بظلو الزلمي يهمس بالفضا يعني
مش قليلة
ومنشان الشعر والوزن
خيو كثر خيروا
شوف مشرف الأقسام الأدبية
جلال بيك
على كوم موضوع مر بالأقسام الأدبية
هاي صاحبك
ما بتجي صوبو يعني
وحروف إذا عبخبص بالوزن مو مشكلة اعتبروا عم يحكي نثر خيو
ولا حرام الواحد يبدي إعجابوا على طريقتو الخاصة
على فوئة
الإعدام
لواحد مثلك إنت وجلال
لأنكم ما بتقدروا النشاط الفعلي
وأنا خيووو
ما حدا بيقدر يعدمني
يعني بعدم عشرطعشر واحد مثلك
بدم بارد
وأنا حاطة إجر على إجر
مش قليلة
ما حدا عم يحترم الهيئة العليا للإدارة
تخنتوها خيووووو
وأنا واصلي معي الحرارة للأربع وأربعين
وبهيك حالي ممكن أعمل فيكم شغلة كبيرة تحت تأثير الحمى
وما حدا إلو عندي شيء
لآنو بالمحكمة
لا يعاقب المريض والمجنون
وأنا جامعة الاثنين
حمى الجنون
وشو بدي قلك بعد
اقعد على جنب مروان وخليك عاقل
لأنو ما بتعرف شو ممكن يصير
واعتبروا تهديد خيو
بيطلعلي أنا
"الادارة العامة "
ولي عودة

اشكر ابو اسعد على المداخلة الاكثر من رائعة ( شي بيعبي الراس )

كما اشد يدي على يد الدكتور نظام ( الذي وقف في وجه الاستبداد )

وبدي احكي وعبر ( لازم يكون في ديموقراطية )

اما منشان الاشراف فسعادتكم ( الادارة ) حطيتوني مشرف على الاقسام الادبية بدون ما تعرفوا ضروفي

يعني موادي بعدني مش دارس فيهن شي من ضغط الشغل ( هذا مبرر قوي )

وبالنهاية نطلب للمتهم الرحمة لأنو بيستحقا

وسلامتكم

متابع كمان

حلياني المحكمة هاليومين

د نظام محسن كتب:

شو هل المحكمي
اذا المحامي يتهم القاضي بانه قشار بصل
ويهدد المدعي العام( مروان) ان يتنحى جانبا

محامي يستخدم الارهاب في المحكمه فرض السيطره بالقوه
هذه ليست عداله

تحويل المحامي الى المجلس القضائي الاعلى
وتجريده من منصبه والحجز على الشهدته في المحاماه
والسبب -- من واجب المحامي فقط الدفاع عن المتهم لا غير
اما باقي الاوامر يصدره القاضي الموقر

هذا ما تبين لي من محكمتكم الكريمه سيدي القاضي فارس و المدعي العام مروان
واطالب بتشكيل محكمه للمحامي هذا

؟؟؟؟؟؟؟؟؟؟؟؟
ههههههههه
ما رائي المحكمه

أهلا بهالطلة دكتور
أولا أنا ما اتهمت القاضي أنا وصفت القاضي
بناء على كلام مروان
لأنو أصدر الحكم
بلا ما يسمع الدفاع
بعدين كلامي مو تهديد
يا جكيم بل قابل للتنفيذ
ههههههههههههه

ويا حكيم بشكرك على تشكيل المحكمة للمحامي
راح أمثل أمامها إن عينوك محامي عني
أنا بعرف ما بتعطي علي
ولوووو
يا حكيم
أنت بتعرف معزتك عنا
واله لو حكمتني إعدام برضى
بس الحكم من مروا ن وجلال
نووووووووووووووو
وألف نوووووووووووو
وبالعربي لالالالالالالالالالالالالالالالالالا
نورت المحكمة يا حكيم وخليك قريب
ممكن نحتاج شهادتك

جلال فليحان كتب:

اشكر ابو اسعد على المداخلة الاكثر من رائعة ( شي بيعبي الراس )

كما اشد يدي على يد الدكتور نظام ( الذي وقف في وجه الاستبداد )

وبدي احكي وعبر ( لازم يكون في ديموقراطية )

اما منشان الاشراف فسعادتكم ( الادارة ) حطيتوني مشرف على الاقسام الادبية بدون ما تعرفوا ضروفي

يعني موادي بعدني مش دارس فيهن شي من ضغط الشغل ( هذا مبرر قوي )

وبالنهاية نطلب للمتهم الرحمة لأنو بيستحقا

وسلامتكم

يعني يا جلال فاضي ترد هون ومش فاضي ترد غاد

مش قليلة اسقى الله ايمتى ما قدمت موادك خيي
وان شاء الله بالنجاح والتفوق
لولا ما أنا مقدرة ظروفك
ما كنت هيك
ولا يهمك
راح نستناك
تفضا لكم قصيدة وخاطرة
وبعدين بصير خير
ونصيحة الك ما تتبع رايات مروان
بدهورك
هههههههه

مروان الحلبي كتب:

اعتراض :

بعد التنويه الى توقيع المتهم والذي كان مكتوبا بالغلط بصااااااااااارحة وليس كما هو الآن بصرااااحة

فقد قام المحامي بتصحيح التوقيع كي يسقط التهمة عن المتهم لذلك أطالب بحبس المحامي 4 أيام على ذمتي

شكرا

ما فهمت كيف على ذمتك
يا باش مهندس
ليش انت بتحبس على ذمتك او على ذمة التحقيق
مش قليلة

إذا انحبس المحامي أني مستعد للحبس معو

أعتراضاً على نزاهة المحكمة


هههههه

لك له يارجل

يعني معقول هيئة عليا وسجن

وين رايح إنت

غريب كتب:

إذا انحبس المحامي أني مستعد للحبس معو

أعتراضاً على نزاهة المحكمة


هههههه

حيا الله فيك يا الغريب
ما تخاف ما في سجن ولا شيء
راح نكون شركاء بس بالفضاء الطلق
انت بعمرك شفت
واحد محبوس بيحبس
ما ترد على مروان مقهور خيووووووووو
الله يعينو
كان المحامي تبعو ركيك
وما عرف يدافع عنو
هلق شو بدو يعمل
لازم يعمل إلو ربع
مش قليلة

جلال و غريب و الدكتور على السجن

بدك تسالني ليش

لانك شاركت بالحديث

خيو هيك يلا 24 ساعه

و شوفولنا متهعم مدسم لنسترزق

وين الضمير



قصدي وين المداخله

فارس بلا جواد كتب:

وين الضمير



قصدي وين المداخله

ليش ــ على ــ أي ــأساس ــ عم ـ تتخذ ـ قراراتك ـ ارجع ـ لمحاضر ـ الجلسة ـ وشوف ـ كم ـ ألف ـ شكوي ـ في ـ

كتبت هيك لانو عدت المداخلة خمس مرات وكل مرة تنقل الماوس لحالها وتخربط الكلام

اني بفهمش


الا لان مضطر اقرا كل اللي بتقدموه


ما عندي شغل غير انتوا


حطوا ضوبط للمحكمه


و اشتغلوا عليها



مروان


انفرادي 24 ساعه


للسمايلات اللي حاططهن

طيب............. متل مابدك فارس

أني راح حط ضوابط جديدة للمحكمة

بلكي يمشي الحال.... وراح ودي لبن وزيتون لمروان بالإنفرادي كمان

شو بدنا نعمل حكم القوي

الضوابط:

1- للمتهم الحق بتوكيل محامي دفاع من أعضاء المنتدى

2- يقوم المحامي باختيار قضاي من الأعضاء أو المشرفين أو الادارة

3- بعد توجيه الاتهام يقوم المتهم بالدفاع عن نفسه ثم يتولى المحامي مهمة الدفاع

4- لكل عضو الحق بتوجيه تهمة واحدة فقط للمتهم

5- للمتهم حق الدفاع في أي وقت يشاء يعني ليس بالضرورة انتظار تراكم التهم

6- أخيرا تصدر المحكمة حكمها النهائي وعلى العضو الالتزام بتنفيذ قرار المحكمة اذا كان مدانا .....

أما في حال براءته فيقوم باقي الأعضاء بإقامة حفل له في المطعم أو في المضافة

أو في أي مكان ترونه مناسبا..................