محكمة جبل العرب

يونس محمود يوسف كتب:: يا رفاقي يونس مظلوم \\\\ مو عارف انو محكوم
هلق تقريت الكلمات \\\\\ الساعة عشرة صبح اليوم

وحياتي ربي هلق شفت الأتهام راح اقرأ شو كاتبين وارجع ولا يهمكوا أنا ما بتخر
شكراً ميمونة ومروان سأعود قريباً

أبو هاشم

هذا دليل التقصير =يا بو هاشم والله كثير
لو ماحكيتك ما شرفت=عذرك ما بيقبل تبرير

ههه
هذا أول اعتراف من أبو هاشم
وعليه سأبني اتهامي
اولا
عدم الدخول للمنتدى وكل المواضيع
وفي مواضيع ما يتفاعل معها
بالشعر والقصة والخاطرة
وداير ورا النسوان
وبس بدو يتجوز مرا ثانية
وراح ارجع بعد
ههههههههههههههه

ميمونة أنا قبل ما رد على الأتهام بطلب من الغريب يكون المحامي

وهلق راح بلش

أبو هاشم

حو من هلق ليلتحق المحامي فيك
حاول تلاقي شيء تدافع
في عن حالك
ههههههههههه

ميمونة راح اهديها === هدية بالعيد

وغنية راح غنيها=== بموال جديد
***********
مروان معبي قناني == بأجمل أشعار

وبليلتنا العمراني === شو رش قمار

وميمونة ها الزعلاني == وما عندا اخبار

غير الفتنة الملياني == وكتر التفسيد
*****************
ميمونة عم تتهمني == بكتر التقصير

وبقولى عم تظلمني == يا ناس كتير

بطلب غريب ينصفني== ويطلب تفسير

من ميمونة الطلبتني== لحبس القرميد

أبو هاشم

لا تهديني وترشيني وتعمل مظلوم=وحاجي تعن وتعزفلي اللحن المعلوم

كل جمعة بتدخل مرة وتطلع مهزوم=حاجي تنادي مروانك بو القناني

وحياة العالي ربي لو جبت الوف=بوقف حدهم ما بهابم جرب وشوف
ما تعود خدي يقبل لطم الكفوف=راح تسمع صوت المجوز والعناني

محمود ال سمى اسمو بيوم الغريب=ما بخاوز ويساير حتى الحبيب
روح تسلى بقضماني وكمشة زبيب=مهما تعلي ما بتوصل ارض جناني

ههههههههه
خليه ينفعك مروان
خيووو
التهمة لابستك ما في فكة
انا بطالب المحامي بتعيين القاضي
واقترح ان يكون
ابو حيان
لانو زلمي دغري وبطل يتبرطل على حد علمي
ههههههههههههههههه

أبو هاشم ياشيخ الشباب
شكرا للثقة

وحياتك عرفت تختار ولإجعل يومهن سواد سيف بايدك مسلول عالأعادي والظلام

باكد قول الميمونة بوحيان قاضي معلوم

بالمحاكم له صولات باعه بالعدل مشهود

يا محكمتنا العلية بو هاشم مابيقصر

كل قصيدة بينظمها إلها بالعالم رنات

طلتو طلة بهية طلة بتسرق اللفتات

ان رد بيرمي ومضات لا تكثروا اتهامات

قلتي داير عالنسوان! لأ شاغل قلب الستات

هني الّي حبوه وراه تشوف الحلوات

وان كان بياخذ ثنتين يعني عملكن وزنات

حتى شاعرنا مروان ما سلم من هالكيلات

وينك يابو حيان تنصرنا من هالغايات

له يا الغريب له
شو هالحكي
عن جد لازم تكون محامي
بقديش برطولك خيووو
حتى تعلن البراءة
مش قليلة
راح ارجعلك يا المحامي صبرك علي

لما الغريب بيحكي == كلمة انصاف

عا الحكمي اللي ما بتشكي= الكلمة بتنضاف
****************
ميمونة اللي عم تضرب == مراجل هاليوم

محلاها لما بتغضب== وبتنسى النوم

ولما اشعاري بتنضب == يمكن بتعوم

عا رمل الشاطي بتغرب= ما عاد تنشاف
**************
بحر الشعر وكلماتو == سيدو مروان

وروض الزهر وورداتو = بغريب حليان

لما ميمونة يباتو === طيور الأغصان

فيك بلحني ونغماتو == تغني النفناف

أبو هاشم

أخي الغالي المنصف غريب

كل التحية لك سيدي على كلماتك الرائعة

وسأقوم بالرد عليها بعد الأنتهاء من مراجل ميمونة
من شان ما تقول ميمونة هاي رشوه
هههههههههههههههههه

ممنونك
أبو هاشم

ترفع الجسله للمداوله

و انتظر اخر دفاع للمتهم و اخر حديث للادعاء العام

رفعت الجلسه

يونس محمود يوسف كتب:: لما الغريب بيحكي == كلمة انصاف

عا الحكمي اللي ما بتشكي= الكلمة بتنضاف
****************
ميمونة اللي عم تضرب == مراجل هاليوم

محلاها لما بتغضب== وبتنسى النوم

ولما اشعاري بتنضب == يمكن بتعوم

عا رمل الشاطي بتغرب= ما عاد تنشاف
**************
بحر الشعر وكلماتو == سيدو مروان

وروض الزهر وورداتو = بغريب حليان

لما ميمونة يباتو === طيور الأغصان

فيك بلحني ونغماتو == تغني النفناف

أبو هاشم

يونس لا تفرح خيي وتعلي كثير=طيري ان رفرق بجناحو بلحظة بطير
يا بو هاشم حذرتك ما كنت توب=راح اسري ع قمحاتك والله بكير

ميمونة لما تغضب بتصوغ اشعار=وجناين قلبها بتزهر أحلى الازهار
ما بتهكل همك والله يا بو الشعار =واسأل مروانك عني وابو سلطان

مذنب بعدك بتكابر عامل بحار=والغريب البدافع عنك غدار
راح اصمد يا بو هاشم لو كنتو كثار=وراح اثبتلك بو هاشم فعل النسوان

ههههههههه
بكل الأحوال
فرجينا مراجلك
وهذا مروان طنش وما رد
ههههههههههههههه

صفي ميمونة صفي == بيصفي تا تنعرفي

بدك سبع تمان سنين == بمدرستي تا تحترفي
******************
ضّلي متل العصفوره== وعا كروم الشعر تذورا

وبدرب الشعر الممتاز == ما فيكي معنا تكفي
*************************
ومدي للشعر كفوفك == حتى الشعار تشوفك

وضّل بمحكمة الأحباب == مواهب منها تغترفي
****************

أبو هاشم

قصيدة نغمتها ولحنها يا ميمونة على نغمة فيروز
ردي شعراتك ردي == بيضا والشمس حدي
بكرى بيجي محبوبك === وبيلاقيك مسودة
أبو هاشم

هدي يا يونس هدي=مثلك مابيوقف حدي
حرفي وشعري فوق الشمس =وحياتك راح بهدي

حروفي نورا راح يهدي=كل ظالم ومتعدي
نجمي ما بدو شاهد=الزم حدك واستهدي

ههههههههههههههههههههههههههههه
اي ابو هاشم طلع احمض ما عندك
وانا بالمرصاد

نظراً لجمال مجريات هذه الدعوى بما أضافه موكلي والمدعية
من مساجلات شعرية

لم أتدخل حتى الآن

وأقول لأبو هاشم

أترك الساحة لك لكي تكيل للمدعية بما جنت يداها

ناطر منك غمزة بس

فهشاشة الإدعاء واضحة وكافة الإدعاءات متصدعة ولا تحتاج

انطق ايها القاضي

حاجي تحمس بو هاشم يا بو سلطان=واحكي الحق ولا تجامل هو الخسران
ما راح يقدر يلحقني كاسو مكسور=وكاسي العبيتو وحدي بعدو مليان

ومهما تعربش ع حقولي بيوقع غشيان=مفكر انو يهزمني ونخا مروان
بستاني سورو عالي وحامي الوردات =ويونس شاطر يتمرجل على النسوان

ومهما شديت حبالو حبلو تلفان=بيشرق بشوية مية وحبة رمان
وحياة ورود الفل السقيتا دموع=راح ظلي الطير الشادي فوق الريان

وينك بو هاشم
شو دخلك رميت الحمل على المحامي
وطشيت
هههههههههههههههه

ردي ميمونة ردي == وعلينا ضّل احّتدي
حرفك كل ما غضبتي كتير == من وهج الشعر يندي
**************
يا غريب هاي ميمونة == عم تنظرلك بعيونا
جايي وبكل فنونا === عا الساحة العنا تهدي
*******
رفقاً فيها يا اخوان == غريب وخيي مروان
ميمونة غصن الريحان == بيكسر لو زدنا الشدي
*****************
افتكرت حالا متل الزير == بترمي مخالفها بالبير
لكن يا حسرة بكير == راح تهرب مع المعدّي
***************
فارس يا قاضي الأحكام === لا تظلمها بهالأيام
اعطيها فرشة حتى تنام === وريش نعامه ومخدي
***************
يا سحر الشرق اعطيها == كاسة ميي تحييها
ويارا قومي ساعديها == وايدك لا لإيدا مدي
*****************
أبو هاشم

يونس محمود يوسف كتب:: ردي ميمونة ردي == وعلينا ضّل احّتدي
حرفك كل ما غضبتي كتير == من وهج الشعر يندي
**************
يا غريب هاي ميمونة == عم تنظرلك بعيونا
جايي وبكل فنونا === عا الساحة العنا تهدي
*******
رفقاً فيها يا اخوان == غريب وخيي مروان
ميمونة غصن الريحان == بيكسر لو زدنا الشدي
*****************
افتكرت حالا متل الزير == بترمي مخالفها بالبير
لكن يا حسرة بكير == راح تهرب مع المعدّي
***************
فارس يا قاضي الأحكام === لا تظلمها بهالأيام
اعطيها فرشة حتى تنام === وريش نعامه ومخدي
***************
يا سحر الشرق اعطيها == كاسة ميي تحييها
ويارا قومي ساعديها == وايدك لا لإيدا مدي
*****************
أبو هاشم

حاجي تعلا وتحتدي=يا بو هاشم بالردي
شعرك ما بزعلني=الورد بحرفي بندي

لا غريب ولا مروان=ولا شي مية كمان
ما بطالو هالأغصان=ولا حدي بتهدي

انا اسمي الميمونة=ما بتعرف نص فنونا
بس تتطلع بعيونا=بتعرف مين المتعدي

فارس ما بيعرف تزييف=ولا بيتبرطل بالرغيف
حكمو بيجي ع الخفيف=بلكي هالأعمى يجدي

وسحر الشرق الع راسي=بحبا وبهديها كاسي
عندا ذكا وفراسي=وكل عمرا بتوقف حدي

لا تفكرني زعلانة=باتهامي قنعاني
ومنك مااني فزعاني=وحياتك ما انت قدي

يا بو هاشم
لا تحاول وتفكر اني زعلانة وخايفة
طول هل الحلقة
قد ما بدك
انا كثير مبسوطة

يعني بالنهاية ما فهمنا شو الحكم على ابوهاشم ؟؟؟؟؟؟؟؟؟؟؟

شو خلصوا المتهمين

اذا ما ظل حدا

اني بلا قيلكن حتى لو كان بالقفص قبل بمرة ؟؟؟؟؟؟؟؟؟

اسم الله التهم قد ما بدكن Wink

بتغيب وبتجيب
بس لنشوف الحكم

مبينة ما بدها حكي

شو بكم يا شباب
مليتو قوام
خليه أبو هاشم شوي
على الأقل منربح منو كم بيت شعر
خخخخخخخخ

بالعكس تماما نحنا كنا خايفين عليكن متعرفوش تتطلعوأ

يالله عكل حال بلشي من جديد

هههه

يبدو ان ابو هاشم أعلن الاستسلام
وهرب
راسلوا يا خيي
شوفو وين صار

اعذرونا شباب موجة كريب قاسية جداً أنا واولادي منذ ثلاثة أيام في الفراش

راجع ميمونة بس يصحى راسي شوي

مودتي

أبو هاشم

سلامة قلبك وقلب الاولاد
ابو هاشم
الف لاباس

» فريق جبل العرب
» عودتي من جبل العرب الى بيت جبل العرب
» برج العرب
» أين ذهب علماء العرب
» مضافه جبل العرب