| مساجله شعريه | |
|
+4يونس محمود يوسف القرنفال الأحمر فارس بلا جواد رائد عيد 8 مشترك |
|
كاتب الموضوع | رسالة |
---|
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: مساجله شعريه الجمعة أبريل 02, 2010 4:35 am | |
| الأخوه الشعراء الأكارم في منتدى جبل العرب هذه المشاركه دعوه للمرح .لإضافة نكهة جديده إلى البوابه وتفعيلها فالرجاء ممن يرغب بالمشاركه أن يكون واسع الصدر مع محبتي واحترامي للجميع وأبدأ أنا معكم بهذه المشاركه الأوليه : ياحيف يغدي سايس البن هندي والخيل ترعاها عيال الحضاره ويصير عامود المضافات سندي من بعد ما كان الحرم والصداره ياحيف يهدي الضيف للناس وردي ويطلع بهم مهووس يرميه حجاره من علمك يافلان بالقاف تحدي من سلمك تاج العلم والأماره مين انت حتى تغربل الحب عندي لنك فليح ولا فلحت بتجاره عضمك طري يادوب تقدر تجدي والعود بدو من يقودو بجساره إن كنت قادر هيج القاف ضدي بحر الشعر لو هاج بدو مهاره مجبول قلبي بالعزم عالتحدي لو كان ضدي جيوش نجد وفزاره ولي عوده إن شاء الله | |
|
| |
فارس بلا جواد الادارة العامة
جنسيَ » : مشآرگاتيَ » : 9823 عمريَ » : 55 نقآطيَ » : 101305 تآريخ التسجيــل : 02/06/2008
| موضوع: رد: مساجله شعريه السبت أبريل 03, 2010 1:06 am | |
| و الله فقط اثبت الموضوع و انسحب فقط ادخل للقراءه
الف شكر لك فكره رائعه اخي الكريم | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الإثنين أبريل 05, 2010 3:41 am | |
| كفو والله يا بوحيان إنت قدا وقدود بس عبتتواضع يعني كان القصد نرطب الجو شوي شكرا عالتثبيت | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102860 تآريخ التسجيــل : 06/05/2008
| موضوع: رد: مساجله شعريه الإثنين أبريل 05, 2010 1:02 pm | |
| فكرة كثير حلوة أخي رائد وأتمنى من شعراء النبطي التجاوب وراح أحاول انا أخبص شوي بس ما تنتقدني وتعمل منها قصة هههههههههههههههههه انت بتعرف أنا بالنبطي صفر مودتي لك
| |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الأربعاء أبريل 14, 2010 7:19 pm | |
| يا رائد شو هالفكرة الشاعرية === أحلى من بنت حلوي صبية
قول الشعر لا ترمي حجارة ===== عمسرح جبلنا الكلو حمية
جيب حروف تنطق بالنضاره ===== بلا ما تكون ثورة جهنمية
بنبني من الشعر يا جار حاره ===== أحلى من الجنان السرمدية
وانا رح قدم الليلي بشاره ======= لأهل المنتدى الفضلون عليّ
انا رح كون أول من تباره ===== معك يا شاعر النغمة الطرية
وهلق بنتظر ردك لأني ======= انا مشتاق عا جولة قوية
أخوك أبو هاشم | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الثلاثاء مايو 11, 2010 6:35 am | |
| يايونس قبل هالجولي القويه إلك باقة ورد وأجمل تحيه حضورك كان لي أحلى بشاره ونورك كان لي أحلى هديه أنت فارس وشاعر عن جداره وإلك بالشعر عندي الأولويه نصحتك لا تفوت بهالمغاره نصيحة قلب صافي بطيب نيه لأنك رح تصفي بغير حاره ورح تضيع حروف الأبجديه أنا خايف عليك تشن غاره وتوقع تحت ضرباتي القويه على ردك أنا ناطر أماره يا أما الصلح .. يا جهز جيوشك معك فرصة لبكرا من عشيه | |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الثلاثاء مايو 11, 2010 9:21 pm | |
| شو باك يا رائد تهت بالمبتدا
وراكض وراح بتفركش بخطوات الردى
دهرك الجابك خصم قدامي اعتدا
عليك ورماك بحر واسع للمدى
هدي ااديك العاصفة هبت عليك
لا بتعرف الشفقة ولا بترحم حدا
أبو هاشم | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الأربعاء مايو 12, 2010 5:36 am | |
| عندي قلب مفطور عا كيد العدا وزنود كالجلمود بترد الردا مش عاصفه .هاي ريح هبت عالهدا لا رح تحرك عود أو تبلغ مدا الشعر بدو صوت بيردو صدا وصوتك مثل بلبل على غصنو شدا حاجي تنفخ .وين هيي العاصفه مسكين راحت فزعتك كلا سدا | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الأربعاء مايو 12, 2010 5:47 am | |
| تحية للأخت ميمونه اليونس على حضورها وتشجيعها الفكره وبانتظار المزيد من المساهمات. حمي الوطيس ياجماعه صار بدا محجزين ههههههههههههه تحية من القلب أخ أبو هاشم | |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الأربعاء مايو 12, 2010 3:45 pm | |
| رائد أمامي دوم راكض هرولي
وهموم الله عا كتافو نازلي
مين اللي قلك روح واعمل مرجلي
تا وقعك عندي وعملك مشكلي
بوصيك لما عا مهرتك تعتلي
خليك فارس تا تكفي المرحلي
يونس بشعرو ما رحم مرة ضعيف
بتعمل كلمتي بجسم خصمي زلزلي
تحيتي رائد شد حالك مليح الفكرة حلوي أبو هاشم | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102860 تآريخ التسجيــل : 06/05/2008
| موضوع: رد: مساجله شعريه الأربعاء مايو 12, 2010 5:33 pm | |
| والله حمياني والجو بدو تشجيع وين شباب النبطي راح ارجع وشارك استنوني رائد ولا يهمك أنا معك ضد يونس لأنو ضد النسوان هههه
| |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الأربعاء مايو 12, 2010 5:41 pm | |
| - ميمونة اليونس كتب:
- والله حمياني
والجو بدو تشجيع وين شباب النبطي راح ارجع وشارك استنوني رائد ولا يهمك أنا معك ضد يونس لأنو ضد النسوان هههه
[size=24] بنتظارك يا ميمونة فكرة رائعة اتمنى من الجميع المشاركة تحياتي أبو هاشم[/size] | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الخميس مايو 13, 2010 6:30 am | |
| ذكرتني ب"تدللي عازلزلي" مش خابرك بعدك بهاي المرحلي خليك قد الشعر واحسبها تمام مش كل ساعه براي حاجي بلبلي واكتب كلام مدوزن وشد الحزام حاجي تشدشد بيحبال محلحلي شي عاصفه شي زلزلي .شبعنا كلام بدنا قلوب تكون قد المرجلي مادام شعرك زلزل قلوب الأنام تفضل على الميدان وانهي المسألي هدي شوي ولا تهدد بالكلام خايف عاكثر الشد يلويلك عرق ويصير بدل الشعر بدك صيدلي | |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الخميس مايو 13, 2010 3:22 pm | |
| رائد إجا ميصيح بالصوت العريض
عامل متل شاعر عم يألف قريض
مو هيك يا رائد يا معلول ومريض
لا تهاجم الفارس اللي خلّى السمر بيض
بوصيك قص جوانحك قاقي وبيض
مواهب بحر شعري عليكم عم تفيض
تمسك بإيدي تا لعندي ارفعك
من شان ما تقضي حياتك بالحضيض
بنتظارك رائد جميل ما تقدمه
أبو هاشم | |
|
| |
القرنفال الأحمر الادارة العامة
جنسيَ » : مشآرگاتيَ » : 11342 نقآطيَ » : 102860 تآريخ التسجيــل : 06/05/2008
| موضوع: رد: مساجله شعريه الخميس مايو 13, 2010 5:27 pm | |
| حاجي يا يونس تعتلي فوق السما جاوزت حدك في اقتحامك للحما رائد إذا ناداك يوم بالوما
مثل السحاب الماطر بيومك هما مثل الشمس لو يوم نورا صابكم بتهيم على وجهك وعينك تنعما ههههههههههههههه تابعو لنشوف أ نا معكم
| |
|
| |
وجدي ناصر عضو جديد
جنسيَ » : مشآرگاتيَ » : 12 نقآطيَ » : 79690 تآريخ التسجيــل : 04/11/2009
| موضوع: رد: مساجله شعريه الجمعة مايو 14, 2010 3:06 am | |
| مساكن الله بالخير يا رجال الحميه يا اهل الكرامي والهمي القويه شايفكن بالتحدي نازلين بألعاب ناريه عساه يكون مزح وعن طيب نيه
لاني حابب شاركن بهالامسيه الفكاهيه
أن وافقتو مشاركتي سمعونا التحيه بس بشرط !!!!!!!!!!!
أنتوا بتشيلوا من قدامي أشلاء الضحيه
...................ابو قيصر .......
| |
|
| |
جلال عزالدين عضو فعال
جنسيَ » : مشآرگاتيَ » : 31 عمريَ » : 40 مكآنيَ » : سورية- السويداء- قرية الثعلة نقآطيَ » : 77029 تآريخ التسجيــل : 02/05/2010
| موضوع: رد: مساجله شعريه الجمعة مايو 14, 2010 8:29 am | |
| وش فودها مْـن وْجودها حْجار صوّان ــــــــ لوما احتكاكا ماش يقدح شَررْها
لمّا الغمايم تلتقي تـْـهل الأمزان ـــــــــــــــــــــ مِنْ دون هذا ما يجينا مطرها
ما بينكم تعزف ترانيم وألحان ـــــــــــــــــــــ وترسم بيوت الشعر أحلى صورها
أهلي وناسي إنتم العز والشان ـــــــــــــــــــــ ولو إدْلهمّ الليل إنتم قمرها
إنتم لمنظور الدواوين برهان ــــــــــــــــــــــ ولـ َ مبتدا الأشعار إنتم خبرها
ما هي كلافة وْلا ترى صنعة لـْـسان ـــــــــــ بْصدق المشاعر قام قلبي وْسطرها
ليست على سبيل السجال ولكنها بضع كلمات قليلة على سبيل الترحيب بهذا الموضوع وبصاحبه وبرواده الكرام ..
آملين أن تستمروا وتغدقوا علينا من عطاياكم الثمينة.
تقبلوا مساهمتي البسيطة هذه ولكم الإمتنان. | |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الجمعة مايو 14, 2010 10:51 am | |
| - ميمونة اليونس كتب:
- حاجي يا يونس تعتلي فوق السما
جاوزت حدك في اقتحامك للحما رائد إذا ناداك يوم بالوما
مثل السحاب الماطر بيومك هما مثل الشمس لو يوم نورا صابكم بتهيم على وجهك وعينك تنعما ههههههههههههههه تابعو لنشوف أ نا معكم
أهلا يا ميمونة بورد المتكي
أهلا بأميرة فوق عرش المملكة
نصحتك يا ميمونة ورفضتي ها الحكي
دنيا الأدب والشعر غير المعركي
وجيتي عَرائد تا تشوطي وترتكي مهزوز متلك مو خرج إلا البكي
بدك يست الكل شي شاعر ذكي
يدلك ع دربك تا تكفي مشاركي
ضحكتي وبعد هاليوم مش ممكن أبد
تعودي يا ميمونة تعرفي تضحكي
أهلاً ميمونة أبو هاشم
| |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الجمعة مايو 14, 2010 2:58 pm | |
| يونس معصب ياجماعه تسمعو وكل ما فرط من جنب برجع برقعو حتى غدا مثل الحصيره الباليه محتار والله كيف بدي إجمعو
أبو هاشم الغالي يسعد صباحك | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الجمعة مايو 14, 2010 3:04 pm | |
| الأخ وجدي ناصر تحية صباحية والمسا بشوفك انشالله هههههه أهلا وسهلا | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الجمعة مايو 14, 2010 3:07 pm | |
| الأخ جلال عز الدين يا مرحبا بالطيب وأهلو تحية صباحية سريعة وأحلا ترحيب محبتي | |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه الجمعة مايو 14, 2010 3:18 pm | |
| - رائد عيد كتب:
- الأخ وجدي ناصر
تحية صباحية والمسا بشوفك انشالله هههههه أهلا وسهلا عصبتني شوباك متل الأرنبي
راكض أمامي يا عديم الموهبي
احكي معانا بالكلام اليعربي
نحنا عرب ما بنفهم من الأجنبي
تمنت كلمي من شفاهك طيبة
لكن عبس حكيك حروفو سرسبي
تمنيت يا رائد لعندي طلعك
ما رضيت غير قاعد تحت هالمصطبي
عذراً من الأخ وجدي ناصر الرد للأخ رائد | |
|
| |
رائد عيد مشرف
جنسيَ » : مشآرگاتيَ » : 399 عمريَ » : 51 نقآطيَ » : 86440 تآريخ التسجيــل : 20/08/2008
| موضوع: رد: مساجله شعريه الجمعة مايو 14, 2010 3:52 pm | |
| شوباك صرت تخربط بصف الكلام وترد عا "وجدي" بدل رد السلام معذور يمكنو كلامي كهربك خذلك شي كم حبة "شطارة" وروح نام هههههههه | |
|
| |
يونس محمود يوسف مشرف قسم الشعر الزجلي
جنسيَ » : مشآرگاتيَ » : 765 عمريَ » : 58 نقآطيَ » : 80086 تآريخ التسجيــل : 06/01/2010
| موضوع: رد: مساجله شعريه السبت مايو 15, 2010 1:30 pm | |
| - رائد عيد كتب:
- شوباك صرت تخربط بصف الكلام
وترد عا "وجدي" بدل رد السلام معذور يمكنو كلامي كهربك خذلك شي كم حبة "شطارة" وروح نام هههههههه رديت عا وجدي صحيح وهيك صار
لما رأيتك بلشت بالأنكسار
تا جيب ناس يكملوا قبالي المسار
ما لقيت قدي كلهم شعرا صغار
حبيت جمّع كل شعار الجبل
أغلي جماجمهم تتطيرهم بخار
أبو هاشم
| |
|
| |
الشاعرة الباكية عضو فعال
جنسيَ » : مشآرگاتيَ » : 64 نقآطيَ » : 77080 تآريخ التسجيــل : 04/05/2010
| موضوع: رد: مساجله شعريه السبت مايو 15, 2010 1:33 pm | |
| أنا شايفي إنكن حولـتوها لتهديــد و وعـيــد
مساجلة يونس محمود ووجدي و رائد عيد
يمكن في طريقة غيرها بتخدم والكل سعيد
إدا كل واحد افتخر بخلقه وأصله الفريد
بدون ما يجرّح (خصمه) ويتمسك بالتقليد
صحيح فرحتوني بإسلوبكن الغني بالقصيد
بس كـــان بدي تكون منابـزي بالتمجيـد
لأني خايفي تتحول لقتال بعتاد وحديد
وانتو ماشالله أصحاب كلمة وراي سديد
فخليكن حبايب وكل واحد عن الهجا يحيد
وتغاووا بالمودي وتبادلو القول الحميد
خذوا عني هالوصية انشالله إنها بتفيد
هيي نصيحة مني الكن وراي سديد
من الشاعرة الباكيي اعذورني لصراحتي أكيد
بحب الشعروبحاول من الفطاحل استزيد
بختمها بشكري إلكن وكلامي ما هو تهديد
بـس تمنيت مساجلتكن تظلها فيها حصيد
تنفع الكل وينضملها كمان من الشعرا العتيد
طولت سردي لاتلوموني على المدى البعيد
خوفي ختامها بيـنكن ما يــكون مــديــد
الشاعرة الباكية
| |
|
| |
| مساجله شعريه | |
|