ثرثرة امرأة

يونس كتب:

تعالي يا ميمونة عليها تفرجي

في بنت حلوي كتير مش متزوجي

بتنطر إذا طلّ الصباح البسطجي

بتاخد رسالة وخلف باب بلتجي

بتقرا الرسالة وتلبس تياب الهوى

ويمكن تجي عل البيت يمكن ما تجي
===========================

أول ما بلّشت الحكي عالثرثرة......................وهلّق لسانك فاز ع لسان المرا

جربت تطلع يا ذكي ع منبرا.............................خطوة لقدام وشي مية لورا

وبتجرب تقدم شهادة مزورة.........................وتستشهد بأبطال اسمن مفخرة

لوما عشق عبلة ما شفنا عنترة.....................ولا كان شعرو يا صديقي بينقرا

ونزار هللي كان شعرو جوهرة.....................ناف الثريا ولو غدا تحت الثرى

ولاّبثينة بالهوى والغندرة...........................أجمل شعر خطوجميل بدفترا

الحب عمرو لا انباع ولا انشرى................عطرو رياحين وأريج وعنبرا

وهلق بعد كل الحديث اللي جرى................جاي بشهادة بوسطجي تا يسطرا

صاير تلم من الطريق القافية....................الهيئة يا يونس بلشت بالختيرة
===========================================
مع الود

يونس كتب:
مروان طالع مع جلال يدرجو

وأخدوا بطريقوا عَ سلالم مدرجو

يا ناس بعد شوي عودوا تفرجوا

لما يعودوا وبدماهم ضرجوا

بدو جلال يحاكموا ويحاججوا

يقلو اعصابي من الطريق ترجرجو

ومروان بدو يتركو ويهرب بعيد

بنجا أنا وهنن ان شا الله ما نجوا
=========================

يا مدوّر دروب السلامة وينها.....................وينك عن الدرب المشيتو ووينها

حوا يا بوهاشم بعنقي دينها........................ورح ظل طفل تدللو بيدينها

ومتلي جلال اللي عرف تكوينها.................وقدّر قيمتها وجرّب مضامينها

واثنينا مشينا الطريقة عينها ....................كرمال آسرة القلب بعينها

وانت ال حسدنا عالحياة وزينها................وعايش كما الغراب تنعق بينها

ومش راح استناك تتضرج دما.................رح نشّف الدم بعروقك حينها
============================================
مع الود

يونس كتب :

مروان نسر الشعر يونس عا الملا

هادي حقيقة انت يمكن تجهلا

المشلول متلك كيف يوصل للعلى

تا يدبح النسر اللي عا العالي اعتلى

نصحتك يا مروان ونصيحة خالدة

غازل شي حرمي بشعر واهي ودللا

مودتي مروان
======================

شايف طاووس الشعر ريشاتو نفش..........................وما كان بدي بهالعمرتا ينغفش

ضيّع ما بين النسر وفروخ الحبش...........................بصحرا بعيدة حوينتو ساح وطفش

رح سايرو كرمال ميمونة وجلال.........................حسنة اذا بتسايرو ما بتندمش
================================================

مع الود

يونس كتب:

يا طالع بحب المرا عا المشتري

يلي ما إلها اسم جو دفتري

عنتر ياابني كان اكبر عنتري

من حب عبله صار جسمو مهتري

وجانا نزار يبيع فيها ويشترى

ويعمل بحب المرا بيدر مندري

النواس والخيام يا ما البحتري

بشعرون ما فيه نسوان ذكرا ينطري

خليك يا مروان شاعر للغزل

شو وصلك للبحتري والشنفري

مودتي حبيب
===================================


بحب المرا رح جاوز حدودك زحل........................ورح ظل زهرة طيبها وهي النحل

ورح اسألك يا بوعلي ال عامل فحل.......................وحامل دفاتر تشبه سنين المحل

شو نفع دفتر متل بستان القحل............................ما في عيون مزينة بسود الكحل؟

ووصلت للتاريخ حتى تنتحل...........................منو صفات مزورة تشد الرحل

هوذي ال ذكرتن بكلامك ياحلو.........................ماتوا عشق.. بس انت غايص بالوحل

=================================================
مع الود

يونس كتب

اقتباس :

لما القوافي تشتكي قصر المجال

بعرف بأنها ابتلت بِشعرك جلال

تتصير متلي شاعر وتحكي مقال

بدك شي عشر اجيال يا ابن الحلال

غني لميمونة بحكي وزيد الدلال

وهي ترد عليك وتعبي السلال

يمكن بهيك حكي فيكو تنجحوا

لكن نصيحه ابعدوا عن درب الرجال

ان صرت متلك كيف بدي انوصَف

بشاعر التهريج او شاعر خَرف

يلي لعندي جاي حتى تنعَرف

مخزون شعري مش عليك بينصرف

بدي من اشكالك شي عشرة يا حبيب

خايف عليك لوحدك برجعك شقف

..............................
مع كل المودة

يونس كتب:

حاولت تعمل مرجلي بساحة وغا

ضاقت عليك بكل سا حا تَ اللغه

مروان عني خود كلمي بلّغا

لاصاحبك هادا العلى يونس لغا

قلو السنابل وقت بتكون شامخه

بتكون من قمح المواسم فارغه

خليك يا مروان مع خيك جلال

سنابل قمح لكن حبوبا بالغه

مودتي
=============================

عندي المراجل من عهد جدي وأبي......................وماني بحاجة اليوم حتى جربي

اسأل تاريخي يوم كان الأجنبي..........................بأرضي ما ذاق النوم وحياة النبي

وهلق جنابك جاي تصعد مركبي......................وحامل سنابل مثل ذيل العقربي

مهما ركضت وطاردت بملعبي......................مش شايفك حيثك عديم الموهبة

لاتحاول تبين سلاحك بالوغى.......................مادام يا يونس رصاصك خلّبي
=============================================
باقة ورد لابوهاشم................هكذا يحتاج القصيد

يونس كتب :

مظبوط عشقوا اللي ذكرتن بالشعر

لكن ولا واحد ترا نال الوطر

عبلى هداها عنتر وقلبوا صبر

وخانت عهودو تعلموا منها البطر

بدي انت مروان تتعلم عبر

كيف المررا بتخون عا ملأ النظر

هادا اللي بدي تعرفو انو المرا

أخون ما الله خلق بالدنيا بشر
===========================

هلق عرفت الشخص هللي مقابلي.........................وليشو كره ام العيون الذابلي

شرّق وغرّب والشواهد جاب الي ........................والنار بقلبو سعير وشاعلي

وماسك على عبلة شهادة باطلي..........................وثبّت شقدّو بالمواضي جاهلي

ومازال حوا بالخيانة تهمتها..............................دخلك منو بالكون أول قاتلي؟
=============================================
مع الود.................

اقتباس :

وهلق جلال الجالس برقة وهنا

دورك إجا لا تفكر نسيتك أنا

قاعد لحالك بالأماني والمنى

تغزل شعر من شعرك المافيه سنا

قوم انتبه مهري ترا صوبك دنا

وسيفي عا راسك بعد لحظة بينحنى

ما بتركك تا خلّص الليله عليك

ودموع عينك بالوجه تفتح قنا

جايي بو هاشم والمهر يتمختروا

مسكين يا هالمهر ويلي ما عتروا

يمكن يجي عساحتي ويرجع جرو

مع فارسو المغرور بدن يهتروا

ما بيسأل الفرسان هاللي زمجروا

وغارو عساحي كيف دغري تقهقروا

قبلي بو اسعد ألف مرة حذروا

ولولا العفو والمقدرة سل أبجرو

لكن انا ما عاد في عندي صبر

بدي البشر ترتاح لما بتخسروا

يونس كتب :

بعرف رجال الجبل تاريخون عريق

فتحو بجهادون للرجولة ها الطريق

السلطان باشا رمز سوريا العريق

حرر بلادو ورمى اعداءُ بالحريق

وكانو بني معروف بالماضي الطليق

يرمو العدا بأسفل الوادي السحيق

هودي رجال الوطن يا مروان فيق

بيكفيك نايم بالعسل تعمل رقيق

النسوان الله خلقهم حتى الدني

تعمر ما بين الشر والخير الحقيق

مودتي مروان
===============================

شهادة عظيمة يا صديقي حكيتها.....................عن ناس للمريخ وصّل صيتها

هوذي قناديل التاريخ وزيتها........................بسواعدن هالأرض شادوا بيتها

لكن في شغلة مهمة نسيتها..........................لما المراجل قلعت جواكيتها

كانوا النسا خلف الرجال يحمسوا.................وعندي اسامي كثير لو حبيتها
========================================
مع مودتي يا حبيب

يونس كتب :

لما عناق الغاوية فتنت قايين

عندا قتل قايين خيو يا فطين

ومن بعد ما قتلو بكي وأصبح حزين

ومعها الدهى والمكر كانو حاضرين

ما في يامروان بنصوصو أي دين

فضّل مرا عا رجل بماضي السنين

واليوم انت جاي تا تعمل كتاب

ما سمع كلمه فيه رب العالمين

مروان لك كل التحية والتقدير
========================

كتابي يا شاعر صعب إنك تفهمو...................منو فحول الشعر عم يتعلموا

إنو الغزل أحلى الكلام وأنعمو......................ومانو بحاجة لخبير يترجمو

وإنو العشق طب العليل وبلسمو....................وكلمة جميلة للقلب بتتيمو

بس الما عرف يغازل عيون المرا.................ولوكان عايش قول الله يرحمو
=======================================
مع المودة

جلال فليحان كتب:

اقتباس :

وهلق جلال الجالس برقة وهنا

دورك إجا لا تفكر نسيتك أنا

قاعد لحالك بالأماني والمنى

تغزل شعر من شعرك المافيه سنا

قوم انتبه مهري ترا صوبك دنا

وسيفي عا راسك بعد لحظة بينحنى

ما بتركك تا خلّص الليله عليك

ودموع عينك بالوجه تفتح قنا

جايي بو هاشم والمهر يتمختروا

مسكين يا هالمهر ويلي ما عتروا

يمكن يجي عساحتي ويرجع جرو

مع فارسو المغرور بدن يهتروا

ما بيسأل الفرسان هاللي زمجروا

وغارو عساحي كيف دغري تقهقروا

قبلي بو اسعد ألف مرة حذروا

ولولا العفو والمقدرة سل أبجرو

لكن انا ما عاد في عندي صبر

بدي البشر ترتاح لما بتخسروا

[size=24


معتاد اصطاد الطيور الجارحة

مو متلك عصافير دوري سارحه

وينك إذا الفرسان فوق السابحة

طلوا اختفي لتكون عينك نايحة

وبكرا جلال الجاي متل البارحه

يبكي ومع المروان عينو سارحه

ما راح يرحمكم أبو هاشم أبد

تتصير عينك من دوعا قارحه