ثرثرة امرأة

فاتني الكثير لكن جيت بالوقت ...
حسيت شي حد بينده من بعيد وقلت لازم ادخل وشوف هالثرثره عن ست الكل وين وصلت ....

اعجبني كثير وتحياتي الكم وبوعدكم راح تابع كل كلمه بحقنا شو بتنحكا...
شكرا للي وقفوا بصفنا......

يونس كتب

عشاق ها الشعر الجميل الهاربي

من شعرك الما شاف يوم الموهبي

يا معقد بحب النسا والدبدبي

حاجي علينا تعمل مراجل أبي

ما فيك يا مروان توصل للسما

ما زال فكر فكرك قاصر يا صبي
===============================

معقد أنا بحب النسا والولدني.......................عندي هوى النسوان بكنوز الدني

ظلك انت بالجو كثر عنعني........................ورح ظل لأرض الغرام مزيني

رح سامحك لوكنت نجمة مبيني..................ورضيان أبقى بحقل حوا سوسني

خلي فكارك متل خشبة يابسة...................ورح ظل بفكري صبي عايش هني
===============================================

يونس كتب :

يونس نسر ما فيه أعمى يلمحو

طار وعا سطح القمر رفوا جوانحو

المتلك انت مروان عم يتمرجحو

بحضان حرمي بعد بكرى بتطرحو

بهديك يا مروان قولك صححو

يبدو الرجال الحول منك نحنحو

راح يهربو ويبلوك وحدك يا فقير

تمشي تأجريك التقيلة تجرحوا
====================

ألفين مرة صرت حاكي وتعبت .....................منك يا هللي بخيالاتك طرت

حاجي تقلي نسر طاير ماأنت.......................إلا غراب ومن عصافيري خفت

عفت الجمال وكل شي طيب عفت...................وركضت لصوب القمر عندو وقفت

طفيت أحلى نور حوا بالدني ........................وعالقمر طالع تصبغو بلون الزفت
===============================================

دخلك ولشو الحكي وكثر الثرثره....ما انا شايفي وين وصلت المرا
كلكم ع الراس والعين مع غندره.....لكن ارفع راسك ولا تكبرا
هيدي المرا مرا ومن غير مسخرا.....مهما طلعت ونزلت راحت تبقى صورتها بالعالي مكبرا........






علني اعجبكم............
تحياتي لكم........

يونس كتب :

مسكين يا مروان في حب المرا

مضّيع سنينك يا صديقي بعثرا

كل ما لمحت فستان حرمي من ورا

بتركض وراها بكل عزم ومقدرا

لما رجال الفكر لما تنبرا

عنها بتبعد ميت كيلو لا ورا

ما شفت متلك بالعمر مروان بيك

بحب المرا نسيان يا روحي الكرى
==========================

لولا النسا ولولا هوى فستانها.....................ما كان بو أسعد ورد بستانها

وانت اللي راكض عالرجال وشانها.................وجاهل تواريخ النسا وعنوانها

ومتلك في شغلة معددات الوانها.......................متقلبة وفوقا طويل لسانها

عملت المحيط ولانفع شطآنها........................ولافادك عروش الحكي وتيجانها

وجبت الفوارس من قديم زمانها.....................وارخيت للمهرة الهزيلة عنانها

وما وسعتك كل الدني باكوانها.....................ولا عاونك انس السما ولا جانها

وهلق على بستان خضرة فنانها...................عم تطلبا تنصب الك ميزانها

وطالب سيرين ورابعة يكونوا حكم .............منك لحالك حكّمت نسوانها
===========================================

شو ابوهاشم شفت كيف ما الك غنى ......................تحياتي

[b]العذر من الجميع لقد كان عندي مشكلة تقنية أرجو أن تكون خلصت على خير
غدأ لي لقاء معكم أحبتي

أبو هاشم[/b]