ثرثرة امرأة

الوردة الحمراء كتب:

هههههههههههههههههههههههههههههههههه
حلو كثير
شكرا لك

[color=blue] أدام الله سرورك وردتنا الحمراء
وأهلاً وسهلاً بك

أبو هاشم[/color]

مع كل الحب و التقدير للمبدع الأخ أبو هاشم

و الأخ مروان

و الأخت المبدعة ميمونة و لكل من يشارك في هذه الثرثرة الرائعة

يونس كتب

----
-
ميمونة اليونس كتب:
مروان تكتك شو حلوي التكتكي
وخلي بو هاشم يهجم بكثر الحكي
ما عاد ينفع لا دموع ولا بكي
وحروف يونس بابرنا مشكشكي
غرقان ببحور الوهم والشكشكي
ومشتاق وردة لو عليها يرتكي
بس الصبايا من غرورو تشتكي
وفلو لوحدن بالغنا والدربكي
ظلك بو هاشم بساحات ملبكي
ما راح يطلعلك تدمر مملكي
بكرا بترجع للزهور اليانعة
وتقول عذرا حاولت اعمل ذكي




حاجي يا ميمونة بشعرك والقصيد

تجيبي إجر مروان عالوادي البعيد

بحياة ربك حدثي شو راح يفيد

مروان متلك لا صوان ولا حديد

بكرى إذا وقعتوا ببحر شعري أكيد

بكم حدا يسحبكم بمركب جديد

لكن نويت وما بقا يقدر حدا

يخلصكن من البحر أو لهب الوقيد

=============================

شو هالوقيد اللي بنفخة بينطفي....وشو هالبحر اللي مياهو منشفي

حاولت يا يونس بشخصك أحتفي.....وجديك عدرب الهوى والعاطفة

طلّعت شفتك متل شجرة واقفة.....لكن بلا أغصان خضرة وارفة

جردا بلا طيورٍ عليها تعزفي....لحن المودة والغزل والمعرفة

ولا خير فيها ولا ثمار بتقطفي......والدود عامل بغصونا مصيفي

ونويت ياشجرة الما لك فايدة.....عالنار كبك تا الحديقة تنظفي
===============================
الود لابوهاشم

يونس كتب

مروان يا عاشق نساء المملكي
وغارق ما بين ورود جوري وليلكي
بتزيد بوصاف المرا وهم وحكي
مو هيك يا مروان يا شاعر زكي
بكرى بعد ما يزيد عمرك يشتكي
كل الهموم وعا عصاتك تتكي
بدها نساء الأرض كلها تتركك
بتصير تنسى الحكي وتزيد البكي


بكل المحبة والأحترام باقة ياسمين لك مروان
========================================

شايف الغيرة بسطورك واضحة.....ومراكبي ببحر الصبايا سابحة

وسنين عمري يا صديقي رايحة.....مش راح قضيها وعيني نايحة

ومادام حولي ألف وردة فايحة.... مش راح اشرب من المي المالحة

ولولا الوان الشيب صارت واضحة.....وطيري تكسر يا بوهاشم جانحة

مش راح اتحسر على عمر المضى.....مادام كانت بغرامي سارحة
========================
مع الود

عيسى عمادالدين شرّف يا هلا.....وأحلى كلام الحب جاي يغزلا

شايف يا يونس هالجمال وهالحلا....للي بيعرف قيمتا ما بيجهلا

صرنا اثنين من الرجال بصفها.....وما بظن بعد اليوم رح تتحملا
====================================
باقة ياسمين لتشرفك الشاعر عيسى......

عيسى عماد الدين عيسى كتب:

حاجي يا بوهاشم علينا تفصّح كلام
كتر الحكي ما بينفعك وقت الملام
حوّا يا بو هاشم قلبها أصل الغرام
لاترجع تعيد الحكي و انسى الخصام
رح تذكر يوم تكبر و العصا تصير المدام
وولادك ييروحو لحضن دافي ووئام
و بتطلب كاسة مي يعطوك الشتام
يطلع جنونك و تقول عطشان يا ولاد الحرام
نسيتو ؟!! كنتو تركبو عا كتافي و تشدو اللثام
و امشي فيكم متل شي خيل لليمين و للشمال و للأمام
و تصير تكح كح وتنحني فيك العظام
و تبقى أم هاشم ترعى المودة و الختام
تقول يا حضن دافي و صدر ناعم كالرخام
وقلب يفيض منك كل المحبة و احترام
كنت غلطان ، سامحيني ظلمتك خطيي حرام
لولا قلبك الصافي و المحبة كان يا عمري عالدنيا السلاااااااااااااااااام



و هذا ملف بصوتي للنص لعيون أبو هاشم /// اسمع صوتي مو حلو ، لكن اسمع ههههههههههههه

http://www.herosh.com/download/3628420/Sound.clip.__1633___1635_.wav.html

[color=blue]
ربي دخيلك يا إله العالمين
اغفرلوا لعيسى الجاي فيكم يستعين
لحظة علينا شوي يا شاعر فطين
جاي مع المروان تتا تحمي العرين
مظبوط بدو دعم مروان الحزين
وميمونة الشعر اللي عجنت ها العجين
مينو اللقلك هالمرا بماضي السنين
إلها مجد لولا الرجال الطيبين
مينا يا عيسى عا العمر قالت أنا
لولا رجل ما يكون من خلفا أمين


أهلاً بك أخي عيسى
وهلق حليت كتير
أبو هاشم[/color]

مروان الحلبي كتب:

يونس كتب

مروان يا عاشق نساء المملكي
وغارق ما بين ورود جوري وليلكي
بتزيد بوصاف المرا وهم وحكي
مو هيك يا مروان يا شاعر زكي
بكرى بعد ما يزيد عمرك يشتكي
كل الهموم وعا عصاتك تتكي
بدها نساء الأرض كلها تتركك
بتصير تنسى الحكي وتزيد البكي


بكل المحبة والأحترام باقة ياسمين لك مروان
========================================

شايف الغيرة بسطورك واضحة.....ومراكبي ببحر الصبايا سابحة

وسنين عمري يا صديقي رايحة.....مش راح قضيها وعيني نايحة

ومادام حولي ألف وردة فايحة.... مش راح اشرب من المي المالحة

ولولا الوان الشيب صارت واضحة.....وطيري تكسر يا بوهاشم جانحة

مش راح اتحسر على عمر المضى.....مادام كانت بغرامي سارحة
========================
مع الود

وحياة حوا وأدم الخلقوا سوى

مروان نجمك أفل بلش ينهوى

من يوم ما الله خلق حوا اغتوى

أدم بحسنا ونزل تا يبني لوى

مش عيب يا مروان إنك تنكوى

بنيران حوا الما بتبقي عا النوى

تمنيت لو تعلمت من أدم درس

حتى تأّمن من كلامو ها الدوى


سلال من الزهور لك أخي مروان

يونس كتب

ربي دخيلك يا إله العالمين
اغفرلوا لعيسى الجاي فيكم يستعين
لحظة علينا شوي يا شاعر فطين
جاي مع المروان تتا تحمي العرين
مظبوط بدو دعم مروان الحزين
وميمونة الشعر اللي عجنت ها العجين
مينو اللقلك هالمرا بماضي السنين
إلها مجد لولا الرجال الطيبين
مينا يا عيسى عا العمر قالت أنا
لولا رجل ما يكون من خلفا أمين
========================

لما كتبت الشعر يا شاعر أبي.................كنت بوقتهادوب عم تدبي دبي

ومرقت عراسي كثير ناس مرتّبي..........وبصموا الي انو القوافي مذهبي

وهلق بعد كل العبر المهذبي................جاي بوهاشم يعتلي عالمرتبة

مش عارف المروان لو اسمو انطرا............بيقطع بوهاشم من جوارو دلحبي
==========================================
مع الزهور الفواحة ابوهاشم

يونس كتب

يونس شجرة الشعر اللي عليها الطيور
بتغرد عليها على مر العصور
وانت اللي جاي بأرض كليتا زهور
ومتقول عنها قحل ما فيها بذور
مروان قولك غلط كلو قول زور
بلشت تحكي وحول مني عم مدور
يمكن غرت لما بدت مني البدور
وصابك بشعرك كسر وشوية غرور
يونس ملك للزجل والشعر الحلو
ما بينمحي تا تنمحي شموس الدهور
====================

يا شجرة التوت اللي هروا زهورها....................وعافت غصونا وهاجرتها طيورها

وحلف الربيع انو ما عاد يزورها......................تتظل جردا مع مرور عصورها

الا شجرتي عاليات قصورها..........................بتضوي عليها شمسها وبدورها

والمملكة بإيدي بنيتو سورها..........................وبحاجة كثيرين يسقوا بذورها

وحتى جنابك تعرف دروس الهوى...................رح وظفك ع جنينتي ناطورها
==============================================

مع المودة

يونس كتب

وحياة حوا وأدم الخلقوا سوى

مروان نجمك أفل بلش ينهوى

من يوم ما الله خلق حوا اغتوى

أدم بحسنا ونزل تا يبني لوى

مش عيب يا مروان إنك تنكوى

بنيران حوا الما بتبقي عا النوى

تمنيت لو تعلمت من أدم درس

حتى تأّمن من كلامو ها الدوى
=======================

نجمي يا بو هاشم على العالم ضوى....................من يوم ما دقدق على بابي الهوى

وفتحت ولا مدللة خصرا لوى.........................ونظرات عينا للقلب كانوا دوا

والماس مع ياقوت مبسمها حوى.....................وخدود كالتفاح عأمو استوى

قالت يا حبي جيتك وقلبي انكوى.....................وما عاد اقدر عالفراق وعالنوى

قلت لها من وين جاي عالسوى......................ومين اللي دلك عالمحبة والغوى

قالت الك بالحب سيرة معطرة......................وعندك المرأة ياحلو قلبا ارتوى
========================================
هكذا أنا وسأبقى.....................مع المودة ابوهاشم

يونس كتب

حياك مروان بتحية عاجلي
وطلبك عاى الميدان تعمل مرجلي
لبيه يا عيسى بشي كلمي مرتلي
حتى يكفي معي هادي المرحلي
وقولوا لميمونة اللي بشعرا مرسملي
توقف معاكم صف حتى تعتلي
انتوا التلاتي ومتلكم بدي كتير
حتي تصحح وزنة اللي مقابلي
=====================

نحنا خفاف الوزن صح مأكدي ...................لكن ثقال الروزبالعقل الندي

وخفة الدم اللي ربت بمرقدي......................ومتلي الميمونة وعيسى بيشهدي

ولو كانت الاوزان بثقل الدما....................بدك جبل تا يوزنك ما بيصمدي
====================================

مع الود..............

مروان الحلبي كتب:

يونس كتب

ربي دخيلك يا إله العالمين
اغفرلوا لعيسى الجاي فيكم يستعين
لحظة علينا شوي يا شاعر فطين
جاي مع المروان تتا تحمي العرين
مظبوط بدو دعم مروان الحزين
وميمونة الشعر اللي عجنت ها العجين
مينو اللقلك هالمرا بماضي السنين
إلها مجد لولا الرجال الطيبين
مينا يا عيسى عا العمر قالت أنا
لولا رجل ما يكون من خلفا أمين
========================

لما كتبت الشعر يا شاعر أبي.................كنت بوقتهادوب عم تدبي دبي

ومرقت عراسي كثير ناس مرتّبي..........وبصموا الي انو القوافي مذهبي

وهلق بعد كل العبر المهذبي................جاي بوهاشم يعتلي عالمرتبة

مش عارف المروان لو اسمو انطرا............بيقطع بوهاشم من جوارو دلحبي
==========================================
مع الزهور الفواحة ابوهاشم

r=green]]ما قصدت يا مروان يا شاعر جميل

قلل بقيمة شعرك وعندك دليل

شاعر انت عا المنبر ووزنك تقليل

من شان هيك قبلتك لشعري خليل

لكن بعمرك شفت مهر بشي سباق

أعرج ونازل تا يسابق هالأصيل

مودتي مروان
[/size]

الله على هاللمة الرائعة فعلا ً مبارزة قوية ......صحيح انا مالي بالزجل بس رح حاول وأجي بصف(حوا) بما إني بعدني عزابي ......مع كل الحب والاحترام للشاعر الغالي أبو هاشم

شايف أنا الشعار بسهرة سمر.......بيناتهن بيدق ناقوس الخطر
يونس على النسوان قلبو من حجر..... مروان أبدع بوصفها والصور
إن قلت حوا لازم تقولا بحذر ......شخصا كما البلور سهلة ينكسر
حوا قليل ان جيت توصفها بقمر......هي الطبيعة اللي القلب فيها انأسر
من دونها ما كان عالدنيا بشر ..... هاي الحقيقة العاوزة شوية نظر
واللي عيونو عالنظر ما جدتو ..... من إلو كل يوم في كيلو جزر

***************************
مع كل المحبة