ثرثرة امرأة

العذر من جميع سيدات المنتدى القصيدة لشخص معين ليست أقصد جميع النساء


ثرثرة امراة


إن كان بدك أي كلمه تنشرا

قولها بسرية بدينان المرا

بتشوف بعد شويه شو صار وجرى

متل الجزيرة بخبر عاجل تخبرا


سبحان الله شقد حلوي الثرثرا

من شان تخفي سر لا لا تنطرا

تأكد بو هاشم كل عيشة مرمرا

فيه ست خلفا عم تزيدا قهقرا

وبتقول ما بحب الحكي والبعثرا

وما بحب قول الشي حتى لو جرى

بتروح لو عندها خبر وبتنبرا

وحولا عشر نسوان تسمع أخبرا

بتحب تجمع دهب يا ما جوهرا

ولو كان عندا رجل عدمان الثرى

فيه شي واحد من دهب وبتكره

الستات قلي شو فهمت يا هل ترى



r=olive]]أبو هاشم[/size]

هههههههههههههههههههههههههههههههههههه

و الله روعه الف الف شكر لك

هههههههههههههههههه
روعة
شكرااا

ياشاعر اللي نظم شعرك مسطرة...................ولسان حالك بالصدق باح وجرى

حوا من فتوح الخليقة جوهرة.......................رمز المحبة والعشق والغندرة

وقبلي قالوها كثاروالقول انطرا...................خلف العظيم ان دورّت تلقى مرا

يا ما باسما تلقبوا رجال الورى....................قيس وجميل وابن ورد وعنترة

ومع كل هذا بالحكي والثرثره......................بتاخذ شهادة عالية ومقدرة

ولو السكوت الماس ولا مرمرة................ولا حراير بالأريج معطرة

ما بترغبو حوا ولا بتلفت الو ...............صحن العسل عندا بيصير مجدرة

أبوهاشم الشاعر الشاعر.................زجلية جميلة راق لي الوقوف عندها أرجو قبول كلماتي مع الود

مروان الحلبي كتب:

ياشاعر اللي نظم شعرك مسطرة...................ولسان حالك بالصدق باح وجرى

حوا من فتوح الخليقة جوهرة.......................رمز المحبة والعشق والغندرة

وقبلي قالوها كثاروالقول انطرا...................خلف العظيم ان دورّت تلقى مرا

يا ما باسما تلقبوا رجال الورى....................قيس وجميل وابن ورد وعنترة

ومع كل هذا بالحكي والثرثره......................بتاخذ شهادة عالية ومقدرة

ولو السكوت الماس ولا مرمرة................ولا حراير بالأريج معطرة

ما بترغبو حوا ولا بتلفت الو ...............صحن العسل عندا بيصير مجدرة

أبوهاشم الشاعر الشاعر.................زجلية جميلة راق لي الوقوف عندها أرجو قبول كلماتي مع الود

ما بريد يا مروان يا شاعر لبيب
ظنك بيونس بالعمر مرة يخيب

ما في مرا رفعت بعمرا ولا أديب

لا عنتر ولا قيس حتى ولا شبيب

عنتر قضى عمرو خلف عبلة غريب

ما نال منها غير ألسنة اللهيب

ومجنون ليلى بنغمتو ها العندليب

ما نال من ليلى يا مروان النصيب

وهيك المرا كل عمرهاالغصن الرطيب

ان جاي عبالا بتنشر حواليك طيب

ووقت اللي بدها عيشتك بتمرمرا

هيك حكى عنها النبي وقال الصليب






أبو هاشم

ميمونة اليونس كتب:

وجاءت على بيت وجع الفارس
ليشمت بنا
أبو هاشم
ساعود برد لها
وسأرضي من كتبت فيها القصيدة
ههههه
مودتي لك واحترامي

[size=24]الشاعرة ميمونة اليونس
وأظنها على بيت وجع كل رجل يا ميمونة
بنتظار ردك على أحر من الجمر
مودتي
أبو هاشم[/size]

من بدء تكوين الخليقة والوعي ....................هي حياتي وهدف عيشي ومطمعي

كانت الأم اللي لعندا مرجعي.....................مشفى جروحي وكل همي وموجعي

وكانت الأخت اللي لهمّي تسمعي................تطبطب على كتفي وتمسح مدمعي

وهي الحبيبة ال قلبها ظلو معي...............وقت ال كنت شلفون ما عندي سعي

وهلق بعد ما الشيب لوّن مطلعي...............هي زوجتي وجنة حياتي ومربعي

وهي فلذة كبادي وخواتم اصبعي.............وهي الأمل بالورد دربي تزرعي

وبصفحة التاريخ الها موضعي...............أخت الرجال وأم ذاك الهيلعي

ما غير هوّن يا بو هاشم وانزعي............ثوب الهجوم اللي ع حوا توسعي

نحنا بلاهن متل ليل بلا نجوم.................والليل يزهى بضو نجمه تسطعي
===========================================

تقبل حركشتي صديقي الشاعر ابو هاشم.....................مودتي

لالالالالالالالالالا هيك اختلف الموضوع .............

أبو حيان انت بتعرف أني معك عالموت ..............بس لو خيي انشالله ربنا بيهونا ضربة عالمطرقة

وضربة عالسندان ...ههههههههههههههههههههه

تحياتي لمرحكم جميعا

الجرناس كتب:

الاخ ابوهاشم


ايها الشاعر


كلام حلو


لك ودي

,,,
,,
,

[size=24]
أخي الجرناس

تحياتي لك أين انت يا صديقي عن هذه المعمعة

شاركنا حبيب

مودتي

أبو هاشم[/size]

يا شاعر اللي نظم شعرك عالهدى.....................مهما تخبي الحب بعيونك بدا

جيت بشواهد من زمان المبتدا.........................وشاركت أصحاب الرسالة والهدى

من دور آدم والمرا الها صدى.......................والصيت رح يبقى على طول المدى

ولولا المرا ياشاعري كنا سدى....................ولاكنت شايف حضرتك بالمنتدى

ومش راح عيد وزيد غيري بيشهدا................شو سجل التاريخ عن قطر الندى

يا ريتني محكوم سجن مؤبدا.....................مع مية حرمة بظل ما بدي حدا

عطر المرا رح ظلني استنشقو.................(ويسعد صباحا كل ما البلبل شدا)
==========================================

أبو هاشم لن أتراجع هههههههههههههههههههه لك الود

مروان الحلبي كتب:

يا شاعر اللي نظم شعرك عالهدى.....................مهما تخبي الحب بعيونك بدا

جيت بشواهد من زمان المبتدا.........................وشاركت أصحاب الرسالة والهدى

من دور آدم والمرا الها صدى.......................والصيت رح يبقى على طول المدى

ولولا المرا ياشاعري كنا سدى....................ولاكنت شايف حضرتك بالمنتدى

ومش راح عيد وزيد غيري بيشهدا................شو سجل التاريخ عن قطر الندى

يا ريتني محكوم سجن مؤبدا.....................مع مية حرمة بظل ما بدي حدا

عطر المرا رح ظلني استنشقو.................(ويسعد صباحا كل ما البلبل شدا)
==========================================

أبو هاشم لن أتراجع هههههههههههههههههههه لك الود

بحبك يا مروان القصيدة والنشيد

لو شعلت نار المحبة والوقيد

فعلاً بو هاشم كان بالماضي البعيد

عامل بحبو متل هارون الرشيد

للتسلية حلوي المرا ويمكن تفيد

لكن لغيرو ما بتنفع عالأكيد

خدلك مثل عا بنت وجناتا نبيد

وكل يوم خلفا شب واقع عن جديد

بتصير تمشي وبخصرها عم تميد

بتنسى عهودا ودوم ترغي بالوعيد

شوف الرجل عهد المهلهل أو لبيد

خاض الحروب وحرر رقاق العبيد

ما في مرا بالعمر خاضت معركة

شغلا الحكي وكتر البكي وكتر النكيد




ان شاء الله ما تطول علينا ميمونة
مودتي أبو هاشم

مروان رح يحكي الحكاية الصادقة................تا يفهموا اصحاب العقول الرايقة

يا شاعري راجع عهود السابقة...................وخلي الوفا نجمة بعيونك بارقة

زنوبيا ,تدمر حضارة شارقة...................بلقيس هزت للعروش الساحقة

وشجرة الدر اللي بزمانا عابقة................بالعزم تسوى الف شجرة باسقة

وغيرن وغيرن من أسامي لايقة.............يا ما رجالك ببحورن غارقة

(ولو صار عندي ألف شجرة وارقة........ما بيحجبوا عني البدور الشارقة)

(الصياد مهما تزيد جربنديتو............... بتظل عينو عالطيور المارقة)
=======================================

مودتي .........أبو أسعد

مروان الحلبي كتب:

مروان رح يحكي الحكاية الصادقة................تا يفهموا اصحاب العقول الرايقة

يا شاعري راجع عهود السابقة...................وخلي الوفا نجمة بعيونك بارقة

زنوبيا ,تدمر حضارة شارقة...................بلقيس هزت للعروش الساحقة

وشجرة الدر اللي بزمانا عابقة................بالعزم تسوى الف شجرة باسقة

وغيرن وغيرن من أسامي لايقة.............يا ما رجالك ببحورن غارقة

(ولو صار عندي ألف شجرة وارقة........ما بيحجبوا عني البدور الشارقة)

(الصياد مهما تزيد جربنديتو............... بتظل عينو عالطيور المارقة)
=======================================

مودتي .........أبو أسعد

يسعد صباحك انت ياشاعر فهيم

يلي بوصف المرا عاملي زعيم

زنوبيا لولا أذينة يا حكيم

شو كان إلها مجد بالماضي القديم

وبلقيس لولا سليمان السليم

كانت بدربا ما شية نحو الجحيم

وشجرة الدر اللي عاشت بالنعيم

لولا الرجل ما كان مشوارا قويم

مروان حاجي حبها يكون لك نديم

ومن شان تتا تبقي عَ درب المستقيم

بيكفي بوصف المرا تعمل مرجلي

القرآن وصفا بنقص والرب العظيم





حيالك الله مروان
أبو هاشم

سيرين كتب:

يابو هاشم شبعتنا من ثرثرا
احلى الخلق كانت بهالدنيا المرا
واللي انحكا ما كان فينا ولا جرا
وما كان لازم هالقصيدة تنشرا
اتذكر بانا كالذهب والجوهرا
وردة قرنفل بالمحبة معطرا
هذه حقيقة ما حدا بغيرا
راجع ضميرك يوم كنت تصورا
نجمة امل او عطر وردة مزهرا
مقهور انت وكان بدك تقهرا
مني نصيحة لف القضية واسترا
ام الدني كانت حقيقة ناصعة
مافيك تعمل ع المحبة عنترا

مع الشكر للشاعرة ميمونة اليونس لمساعدتها
في اخراج هذه الابيات

سيرين شعري درر ما نو مهزلي

ورب السما شعر الزجل خلقو إلي

الجاي معك تتشد أزرك عاملي

متل الكأنوعن مجدنا غافلي

وهلق بنات الجبل عندون مشكلي

ما عاد عرفو التنك من جوهر حلي

هجموا عليي عا عريني ومنزلي

وجهلو بو هاشم نار عم تغلي غلي

سيرين كنت متل ورد المخلي

شو حايجي تا تدبلي وتتهلهلي

خلي وراك ام ليث لوحدها

من شان ما حطك معا بالهسلسلي





أهلاً سيرين مودتي